Янги йил эртагининг атмосфераси билан тўйинган енгил, жўшқин ва сийқаси чиқмаган фильмлар тўплами байрамдан кейин ҳордиқ чиқаришингизга ёрдам беради.
«Рождество шукуҳи» (2022)
IMDb рейтинги - 6,6
Чарльз Диккенснинг Уилл Феррелл ва Райан Рейнолдс иштирокидаги машҳур ҳикоясининг замонавий қайта ишланган варианти. Қадимги анъанага кўра, Рождество арафасида ўтмиш, ҳозир ва келажак руҳлари йўқолган руҳни тўғри йўлга киришига ёрдам бериш учун ташриф буюришади. Бу сафар амбицияли бизнесмен Клинт Бриггснинг омади келади.
«Санта Клауслар» (2022)
IMDb рейтинги - 6,3
Скотт Келвин бутун умри давомида Санта Клаус сифатида одамларга совғалар ва қувонч келтиради. Бироқ 65 ёшга келиб, у энди қорбобонинг вазифаларини бажара олмаслигини тушуна бошлайди. Жанубга кўчиб ўтиш ва ниҳоят оиласига вақт ажратиш учун нафақага чиқишга қарор қилади. Лекин у масъулиятли ишини шунчаки ташлаб кетолмайди, шунинг учун Сантага муносиб ворис топишга қарор қилади.
«Рождество ҳикояси: Рождество» (2022)
IMDb рейтинги - 6,8
Ушбу оилавий комедия 1983 йилда суратга олинган худди шу номдаги фильмнинг давомидир. Бу сафар Ралфи исмли бош қаҳрамон аллақачон вояга етган одамга айланади. Унинг ажойиб иши, севимли хотини ва болалари бор — у ўзини бахтли одам деб билиши мумкин. Аммо яқинлашиб келаётган Рождество байрами одамни асабийлаштиради, чунки у болалигида бошдан кечирган сеҳрли Рождествони фарзандларига ҳам уюштиришни хоҳлайди.
«Теддининг саргузаштлари» (2022)
IMDb рейтинги - 6,5
Бир куни Рождество бозорида Марианна Тедди айиқчаси жонланганини пайқайди. У бутун умри давомида бундай дўстни орзу қилган, шунинг учун у таваккал қилади ва уни ютиш учун ҳаракат қилади, аммо уриниш муваффақиятсиз тугайди. Қиз ота-онасидан яна бир танга олиш учун уйига югуради. Шу билан бирга, ҳар доим бой уйга киришни орзу қилган айёр айиқ боласи, бадавлат оиладан бўлган муносиб ўғил уни ютиб олиши учун ҳамма нарсани қилади. Аммо Марианна ҳам таслим бўлишни хаёлига келтирмайди.
«Ноэлнинг кундалиги» (2022)
IMDb рейтинги - 6.1
Рождество арафаси. Ёш ёзувчи Жейкоб Черчер кўп йиллар ўтгач, тартиб ўрнатиш ва мерос ҳуқуқига кириш учун отасининг уйига келади. Чанг босган нарсалар орасидан Ноэлга тегишли бўлган эски кундаликни топади. Шу билан бирга, Рейчел исмли қиз тўсатдан унинг ҳаётига кириб, биологик онасини қидиради. Қаҳрамонлар ўзларининг саволларига жавоб топиш учун бирлашишга қарор қилишади.
«Салом дада, Янги йил! 2-қисм» (2017)
IMDb рейтинги - 6
Биринчи фильмда Дастининг отаси ва Бреднинг ўгай отаси Рождество байрамида болалар эътиборини тортиш учун курашган эди. Ёрқин комедиянинг иккинчи қисмидаги воқеалар қарама-қаршилик тугаганидан кейин содир бўлади. Энди эркаклар дўстона муносабатда бўлиб, болалари учун ажойиб байрамни ташкил қилиш учун кучларни бирлаштиришга қарор қилишади. Фақат бу сафар қаҳрамонлар ҳаётига уларининг қайсар оталари кириб келишади ва яна ҳамма нарса остин-устун бўлиб, Рождество ҳақиқий тартибсизликка айланади.
«Голливуддаги тақдир ҳазили» (2022)
IMDb рейтинги - 6,3
Марго ва Гриффин бир-бирига жуда ўхшайди. Уларнинг иккаласи ҳам романтик, улар бутун қалблари билан буюк ва ёрқин севгига ишонадилар ва бахтли никоҳни орзу қиладилар. Аммо қизда битта ҳам муносиб номзод йўқ, йигит эса ҳар қандай воқеадан обуначилари учун шоу тайёрлайдиган блогер қизи унга унчалик ҳам мос эмаслигини аста-секин тушуниб етади. Кейин тақдирнинг ўзи аралашишга қарор қилади ва тасодифан қаҳрамонларнинг йўллари кесишади.
«Галактика қўриқчилари: байрамона намойиш» (2022)
IMDb рейтинги - 6,9
Галактика қўриқчилари одатда Рождество байрамини дўстона ва жўшқин тарзда нишонлайди. Бироқ Питер Квил бу сафар фақат завқ ва қувончни орзу қилиши мумкин холос, чунки у Гамора билан ажрашганлиги сабабли тушкунликка тушиб қолган. Дўстларининг азобланишини бошқа кўра олмаган Галактика қўриқчилари Питерга Рождество совғаси сифатида унинг севимли актёри Кевин Беконни олиб келишга қарор қилишади. Аммо у ўзга сайёраликлар билан учрашувга тайёр эмас эди.
Мавзуга доир:
Изоҳ (0)