Мазкур классик фильмлар экранга чиққанига ҳам бир неча ўн йиллар бўлди. Бу вақт ичида турли кино ишқибозлари улардаги сезиларли хатоларни топибди ҳам. Аммо комедияларни томоша қилишда кўпчилик пайқамаган яна бир нечта ноаниқликлар ҳамма учун қизиқ.
“И операцияси ва Шурикнинг бошқа саргузаштлари”
- Безорилиги учун қамалган Федя бульдозерда кетаётганида Шурик унинг юзига шлакли эритма (ёки оҳак) отади. Федя бульдозердан тушади ва кадрда унинг юзидан ташқари қўллари ҳам ифлос эканлигини кўриш мумкин. Кейинги кадрда эса тирсагигача оҳак бўлгани кўрсатилади.
- Федя зинадан сирпаниб тушаётганда шимининг орқаси яхшигина йиртилади. Аммо бир неча сониядан сўнг, тешиклар қандайдир сеҳрли тарзда сезиларли даражада кичиклашади.
- Шурик Федяни бир нечта рулон гулқоғозга ўраб, кейин уни кўтарганида, капалаклар тасвири ўз йўналишини бир неча бор ўзгартирганини кўриш мумкин.
“Кавказ асираси ёки Шурикнинг янги саргузаштлари"
- Нина тутқунликдан қочмоқчи бўлганида пошнаси билан эшикни роса тепади, натижада эшикда иккита сезиларли из қолади. Аммо бир неча кадрдан сўнг, ўғрилар хонага кирганларида эшикдаги излардан асар ҳам қолмайди.
- Хона эшиги ёнидаги деворда ичкарини кўриш учун мўлжалланган тешик (глазок) мавжуд. У орқали қизнинг тоғаси Жаброил ўғирланган жияни Нина нима қилаётганини кузатади. Биринчидан, нега глазок эшикда эмас, балки деворга ўрнатилгани қизиқ. Иккинчидан, хона ичкаридан кўрсатилган кадрларда деворда ҳеч қандай тешик йўқлигини кўриш мумкин.
“Иван Васильевич ўз касбини ўзгартиради”
- Жорж Милославский Шпакнинг квартирасига ўғриликка тушганида бир даста облигацияларни топиб олади. Кейинги дақиқада у камерага ўгирилиб, томошабинларга пулларини омонат кассасида сақлашни маслаҳат бериб, облигацияларни эмас, 3 даста купюрани кўрсатади.
- Шурикнинг хотини Зина уйга қайтганида шоҳ Иван Грозний парда ортига яширинади. Айни ўша пайтда суви хиралашган аквариумни кўриш мумкин. Аммо бир неча сониядан сўнг Зина пардани очганида аквариумдаги сув тиниқ бўлиб қолади.
- Вақт машинасида ҳам бир неча сония давомида баъзи суюқликлар рангини, колбалар эса шаклини ўзгартиради ва бир нечта янги идишлар пайдо бўлади.
- Бунша аскарлардан яшириниш учун сандиқ ичига тушаётганида маълум бир ҳолатда (бошини ўнг томонда) киргани аниқ. Ва бир неча сониядан сўнг Иван Васильевич ташқарига чиққанда, унинг боши тескари томонга ўгирилган бўлади.
- Милославский ва Бунша сандиқдан кийим олиб, қочиб кетганда кадрда 2 рицар зирҳи кўринади. Улардан бирининг дубулғаси полда ётибди. Аммо бир лаҳзадан кейин у ўз ўрнида эканини кўриш мумкин.
-tqFBnKsq.webp)
“Тақдир ҳазили ёки қушдек енгил бўлинг”
- Ипполит машинасида кетаётганда Лукашин унинг орқасидан югуради. Биринчи кадрда бутун автомобиль, жумладан, орқа ойнаси ҳам қор билан қопланганини кўриш мумкин. Бир лаҳзадан кейин машина қордан тозаланиб қолади.
- Женя гитарани Надяга бераётганида асбоб дастасини чап қўлида ушлаб туради. Ракурс ўзгарганда эса гитара дастаси ўнг қўлидалигини кўриш мумкин.
- Ипполит кийими билан душга кирганда палтосида иккита туфли изи кўриниб турибди. Аммо бир сониядан кейин пойабзал изларидан асар ҳам қолмайди.
“Қизлар”
- Тося хурсанд бўлиб, казармага қайтганида кигиз этигини ерда ётган бошқа пиймалар олдига ташлайди. Аммо бир неча сониядан сўнг, у эшик олдида рақсга тушганда кигиз этиклар тахланганини кўриш мумкин.
- Маҳаллий клубда рақс кечаси бўлаётган бир кадрда шашка ўйнаётган икки болани кўриш мумкин. Ўйин столида бир нечта қора шашка турибди, 2 сониядан сўнг столдаги қора шашкалар сезиларли даражада кўпайиб қолади.
“Автомобилдан сақланинг”
- Рулда Люба ўтирган троллейбус бекатга етиб келганида автомобиль бортида 413 рақамини кўриш мумкин, троллейбус кетаётганда эса унинг ён томонида мутлақо бошқа рақам – 478.
- Қувғин тугаб, қаҳрамонлар хайрлашаётганда кенг кадрлар яқинлаштирилганда бордюрларнинг ранги ҳам ўзгаради.
Изоҳ (0)