Янги йилда қувноқ, байрамона кайфиятни яратмоқчимисиз? Қуйида ҳақиқий Янги йил шукуҳини берадиган энг яхши ҳинд фильмлари рўйхатини тақдим этамиз.
“Ёшлик — бебошлик”
Ранбир Капур ва Дипика Падуконе иштирок этган ушбу романтик комедия дўстлик, оила ва карьера ҳақида ҳикоя қилади. Фильм қисман қорли Ҳимолай тоғлари фонида суратга олиниб, томошабинга байрамона шукуҳ бағишлаб, Янги йил арафасида тугайди. “Ёшлик — бебошлик” фильми 2013 йилнинг энг яхши блокбастерларидан бири деб топилган.
“Янги йил билан”
Фараҳ Хоннинг байрамона фильмида Шоҳрух Хон, Дипика Падуконе, Абҳишек Баччан, Сону Суд, Боман Ирани ва бошқалар иштирок этган. Янги йил арафасида содир бўлган ўғрилик ҳақидаги ранг-баранг ҳикоя.
“Бегоналар”
“Бегоналар” — Приянка Чопра ва Ранбир Капур иштирокидаги ўз жонига қасд қилмоқчи бўлган бош қаҳрамонларнинг ғайриоддий севги ҳикоясидир. Сўнг улар режаларини Янги йилга қолдириб, 31 декабрда ўлишга қарор қилади. Қолган бир неча кун давомида ўз завқлари учун яшашади ва бир-бирларини сезмасдан севиб қолади.
“Сен ягона, мен танҳо”
Шакун Батранинг фильмида Карина Капур ва Имрон Хон Рождество байрамида мастлик туфайли турмуш қуради. Кейинчалик улар хатони тузатишга ҳаракат қилади ва ҳақиқатан ҳам бир-бирлари учун мосми ёки йўқлигини аниқлашга ҳаракат қилади.
“Мен Янги йилни севаман”
Санни Деол ва Кангана Ранаут иштирок этган комедия “Тақдир ҳазили ёки қушдек енгил бўлинг” мотиви асосида суратга олинган.
“Муҳаббат ва нафрат”
Режиссёр Роҳит Шеттининг Шоҳрух Хон, Кажол, Варун Дҳаван ва Крити Санон иштирок этган жанговар мелодрамаси оилавий муносабатлар ва муҳаббат ҳақида. Ушбу фильм жуда узоқ вақтдан сўнг Кажол ва Хонни экранда бирлаштирди ва мухлислар эътирофига сазовор бўлди.
“Мусиқа олами”
Маниша Койрала иштирокидаги машҳур “Ааж Маин Упар Аасмаан Неече” қўшиғи Рождество руҳига тўла. У байрам қилиш учун уйни хурсандчилик билан безатади. Бу қўшиқда Салмон Хонни ҳам кўриш мумкин.
Изоҳ (0)