Фақат «Уйда ёлғиз» эмас: қизиқарли сюжетга бой Янги йил ҳақидаги фильмлар (фото)

Байрамона кайфиятни яратишга ёрдам берадиган фильмларни томоша қилиш вақти келди! «Новий очаг» нашри байрам олдидан Янги йил шукуҳини берувчи фильмлар рўйхатини тақдим этди.

«Уйда ёлғиз», 1990 ва «Уйда ёлғиз 2», 1992 йил

Албатта, Янги йил олдидан ушбу болалар триллерини томоша қилиш анъанага айланган. 90 йиллардан бошлаб «Уйда ёлғиз» комедияси «Тақдир ҳазили» каби Янги йил фильми сифатида машҳур бўлди. Шунингдек, томошабинлар Кевиннинг барча саргузаштларини аллақачон ёддан билади. Бахтсиз ўғриларнинг иш бермаган режалари, Кевиннинг «даҳшатли» қўшниси билан суҳбатлари ва унинг кўплаб ака-ука ва опа-сингилларининг тортишувлари байрамона кайфият улашади.

«Гринч — Рождество ўғриси», 2000 йил

Рождествони ҳамма ҳам яхши кўрмайди. Тоғларда яшайдиган Гринч ўйин-кулги, қувонч, совғалар ва умуман олганда, байрамолди шов-шувлардан нафратланади. Шнинг учун у бу байрамни одамлардан ўғирлайди.

«Шимолий экспресс», 2004 йил

Ушбу мультфильм замонавий технологиядан фойдаланган ҳолда яратилган. Ғайриоддий техникалар туфайли томошабинлар гўёки картина ичига тушиб қолганга ўхшайди. Сюжет марказидан Санта Клаусга ишонмаган болакай ўрин олган. Бироқ барча болалар Рождествода ўзларини бахтли ҳис қилишлари кераклиги сабабли унга Қорбобоникига ташриф буюриш имконияти берилади.

«Янги йил тарифи», 2008 йил

Андрей дўкондаги ғалати аёлдан «Янги йил» деб номланган ғайриоддий телефон тарифини олади. У янги рақамдан қўнғироқ қилади ва Алёна исмли қиз билан боғланади. Унинг Янги йилни нишонлаш учун ҳеч кими бўлмайди. Андрей қиз билан байрамни нишонлашни истайди, лекин маълум бўлишича, улар турли вақтларда телефонда гаплашишган, яъни уларнинг орасида бир йил фарқ бор. Андрей Алёнанинг манзилига келганида, унинг Янги йил олдидан вафот этганини билиб қолади. Шунинг учун у келажакда яшаб, қизни қутқаришга ҳаракат қилади.

«Рождество ҳикояси», 2009 йил

Бу Чарльз Диккенснинг очкўз Эбенезер Скруже ҳақидаги романи асосида ишланган мультфильм. У фақат пулни ер юзидаги асосий бахт деб билишга одатланган, у фақат фойдани қадрлайди ва Рождество бу фойдани ундан ўғирлайди, чунки одамлар ишламайди, дам олади. Эбенезер қийин кечани бошдан кечириши керак, аммо бу воқеалар уни ўз эътиқодининг нотўғрилигига ишонтиради. Скруже бошқа одамга айланади.

«Кичкина хонимлар»

Луиза Мей Олкоттнинг ушбу романи бир неча бор суратга олинган, аммо иккита фильм, 1994 ва 2019 йиллардагиси энг машҳурига айланди. Иккала версия ҳам ўз мухлисларини топди. Иккаласи ҳам камбағал, аммо дўстона оилада Рождествонинг ўзига хос атмосферасига киришга имкон беради. Сюжет марказида тўрт опа-сингилнинг тақдири ётади. Уларнинг ҳар бири ўзига хос ва бутунлай бошқа нарсаларни орзу қилади, опа-сингиллар бир-бирларини ва уйларини севади.

«Рождество олдидан даҳшатли туш», 1993 йил

Тим Бёртоннинг мультфильми ихтиро қилинган Хеллоуин шаҳри ҳақида ҳикоя қилади. Унинг аҳолиси бир-бирларини қўрқитади. Бир куни ушбу шаҳарнинг раҳбари Жек Скеллингтон тасодифан Рождество шаҳрига киради. У ерда содир бўлаётган воқеалардан ҳайратда қолиб, кўплаб мўъжизалар қилиш учун Санта Клаус бўлишга қарор қилади. Аммо ёвуз одамлар унга тўсқинлик қилади.