Машҳур фильмлар туфайли ўша давр одамларининг орзусига айланган буюмлар

Ёшлигимизда кўрган фильмларимиз — нафақат эсда қоларли жумлалар ва ёрқин актёрлик асарлари, балки тарихга кирган култ буюмлар ва образларнинг ҳақиқий хазинасидир. Фильмлар туфайли кўплаб буюмлар машҳур бўлиб, миллионлаб томошабинлар учун трендларни белгилаб берган.

Climat атири, (“Тақдир ҳазили ёки қушдек енгил бўлинг”)

Француз бренди Lancômе’нинг Climat номли атирлари нафақат яхши дид, балки ҳашамат белгиси ҳисобланган. У миллионлаб аёлларнинг орзу эди. Табиийки, Надяга севгилиси Ипполит Янги йилда худди ана шу атирни ҳадя қилади.

Кўз “стрелкалари” (“Бриллиант қўл”)

Замонавий ва ўзига хос малласоч Светлана Светлична ўнлаб турли хил ролларни ўйнаган, аммо актриса учун экрандаги энг эсда қоларли рол “Бриллиант қўл”даги йўлдан оздирувчи Анна Сергеевна роли бўлади.

Светлана доим модага қизиқиб, эътиборни тортишни яхши кўрарди. Шунинг учун ҳам Анна Сергеевнанинг малла сочлари ва қора “стрелкалари”ни барча қизларни такрорлашни истарди. 2024 йил ноябрь ойида актриса вафот этди, аммо у харизмаси, услуби ва истеъдоди билан миллионлаб томошабинлар қалбини забт этишда давом этмоқда.

Adidas кийими (“Курер”)

Ўша вақтдаги ёшлар вакили Катя Кузнецова кадрда максимал даражада табиий ва оддий кўринади — 80 йилларга хос бўлган ҳеч қандай кимёвий воситалар ёки ёрқин пардоз-андоз йўқ. Спорт кийимидаги қизнинг ўзига хослиги шундаки, у Adidas’ни уй кийими сифатида кияди.

Ҳозир бунинг ажабланарли жойи йўқ, аммо 1986 йилда фильм чиққанида, бу бренднинг кийимлари ҳашамат ҳисобланган ва ўша пайтда нафислик рамзи ҳам эди. Шунинг учун уйда Adidas кийимини кийишни исрофгарчилик деб ҳисоблаш мумкин эди.

Оверсайз (“Асса”)

Ушбу фильмда қаҳрамон Татьяна Друбич аёллик жозибасининг янги формуласини ўрнатди: чарм кепка, спорт шарфи билан уйғунлаштирилган жинси шим, оверсайз костюмлар — эътибор тортувчи либос ўрнига оқ классик кўйлак

“Асса” чиққанидан 30 йил ўтгач, бу услубни фейшн-аскетизм — яъни ёш ҳам, мавсум ҳам, тренд ҳам танламайдиган мода деб аташади. Аммо 1987 йилда Аликанинг кийим жавони пластмасса безаклар, мини юбкалар, сунъий жингалаклар ва умуман тизимга қарши исён каби эди.

Ботильонлар (“Иван Василевич касбини ўзгартиради”)

Қаҳрамон Наталя Костинскаянинг: “Алло Галочка, ғалати янгилик бор, буни эшитсанг ўлиб қоласан!” деган машҳур иборасини унутиб бўлмайди. Унинг замонавий калта оқ либосидан ташқари, ўша давр аёлларининг орзуси бўлган оғир платформа ва қалин пошнали ботильонлар ҳам машҳур бўлган.

Водолазка (“Бриллиант қўл“)

1967 йилда Франциянинг барча эркаклари оқ водолазка кийишга ўтади. Бир йил ўтгач, контрабандачи Геша Козодоев ватандошларини водолазкани пиджак билан кийишга ўргатади. Шундан кейин бу кийим култ буюмга айланади.

Аммо Андрей Мироновнинг кадрда бўйни ёпиқ ҳолда пайдо бўлишининг сабаби мода дунёси билан боғлиқ эмасди. Актёр экземага чалинганди, бундай бўйни ёпиқ кийим томошабинлардан касалини яшириш учун керак эди.

Жодугар Алисанинг либоси (“Кундузги назорат”)

Култга айланган мазкур фильмдаги Жанна Фриске образини унутиб бўлмайди. Образи Алиса учун қаҳрамоннинг кучи ва жасорати туйғусини таъкидлайдиган чарм кийим ва ҳашаматли аксессуарлар танланган, кейинчалик улар урфга кирган.