“Тақдир ҳазили ёки қушдек енгил бўлинг” фильмида Надя ролини ижро этган полшалик актриса Барбара Брилсканинг фильмдаги саҳналари кесиб ташланиши мумкин. Бу ҳақда “Корреспондент” хабар берди.
.jpg)
Машҳур россиялик актриса ҳамкасби Лия Ахеджаковани қўллаб-қувватлади, у Россиянинг Украинага қарши уруш позициясини қоралагани учун “Современник” театридан ҳам ҳайдалди.
Актриса ўз ҳамкасбининг фикрига тўлиқ қўшилишини ва Россияни Лия Ахеджакова каби актрисага эга бўлишга нолойиқ деб ҳисоблашини айтган.
“Лия, давом эт. Бунақа ватан унга лойиқ эмас. Албатта, у кетиши керак. Улар жонини бермайди, бу коммунистлар, Худонинг қаҳрига учраган инсонлар. Улар кетиб, биз кабилар курашиши керак”, — дейди Барбара Брилска.
Бу сўзлардан сўнг Россия Федерациясининг жамият фаровонлиги бўйича қўмитаси раҳбари Олга Занко актрисани қарийб 50 йил аввал премераси бўлиб ўтган фильмдаги саҳналарини қирқиб ташлаб, “жазолаш”ни таклиф қилди.
“Актёр учун энг оғир жазо — унутилиш. Бир пайтлар бутун мамлакатнинг севгисига сазовор бўлган актриса Брилска ўз мухлисларини “Худонинг қаҳрига учраган инсонлар” деб ўз танловини амалга оширди. Мамлакатимиз унга шон-шараф ва мақтов берди, бироқ биз ҳам уни осонлик билан ўчириб ташлашимиз мумкин. Бу видеода нейрон тармоғи орқали “Тақдир ҳазили ёки қушдек енгил бўлинг” фильми актрисасиз қандай кўринишини кўрсатаман. Актрисани фильмнинг бошидан охиригача унга овоз берган Валентина Тализина билан алмаштирдим (бу ишни ўзим қилдим, профессионаллар буни янада ишонарлироқ қилади)”, — деб ёзган Олга Занко ўз Telegram’даги каналида.
Изоҳ (0)