“Интер Майами” клубининг аргентиналик ҳужумчиси Лионель Месси “Барселона”да унга энг катта таъсир ўтказган икки киши ҳақида фикр билдирди.
“Менимча, менга турли жиҳатларда катта таъсир кўрсатган икки киши бор. Биринчиси Гвардиола, чунки у кўп йиллар давомида менинг мураббийим бўлган ва биргаликда биз орзу ҳам қила олмайдиган ажойиб муваффақиятларга эришдик. Роналдиньо эса мени яхши кутиб олди ва асосий жамоага келганимнинг илк дақиқаларидан менга ёрдам берди. Мен Инеста ва Хавини дўст сифатида яхши эслайман, шунингдек, Майамида мен билан бирга ўйнаётган уч киши — Бускетс, Альба ва Суаресни ҳам алоҳида эътироф этишимиз зарур. Улар ҳам менинг дўстларим. Албатта, Тито Вилановани алоҳида таъкидламоқчиман, уни барчамиз жуда соғинамиз”, дея Мессининг сўзларини келтиради Mundo Deportivo.
Маълумот учун, Месси 2021 йилда “Барселона”ни тарк этганди. Клубдаги 17 йилги фаолият давомида футболчи барча мусобақаларда 520 та учрашувда майдонга тушди ва 474 та гол уришга эришди.
2023 йилдан “Интер Майами” жамоасида ўйнаётган футболчи 25 учрашувда майдонга тушди ва 21 та гол урди.
Изоҳ (0)