Аргентиналик футболчи Лионель Месси Marca нашри томонидан тақдирланади.
Нашр футболчининг фаолиятига ҳурмат тарзда махсус мукофот топширади. Тақдирлаш маросими 17 октябрь куни Флоридада жойлашган “Интер Майами” клуби стадионида бўлиб ўтади.
“Лео оиласи, жамоадошлари, спортчилар ва турли ҳомийлар ҳамроҳлигида совринни Marca нашри директори Хуан Игнасио Галярдо ва “Интер Майами” хўжайини Хорхе Мас қўлидан қабул қилиб олади.
Месси профессионал футболга кирганидан буён 46 та титулни қўлга киритган ва бу рекорд ҳисобланади. Нашримизнинг ушбу мукофоти эса спортдаги энг буюк афсоналардан бирига билдирилган ҳурматдир.
Унинг 2004 йилда “Барселона”га келишидан то “ПСЖ”га ўтишига қадар, ундан кейин “Интер Майами”даги фаолияти, шунингдек, Аргентина терма жамоасидаги қойилмақом фаолияти сабабли Месси жуда кўп совринларга эга чиққан: 8 та “Олтин тўп”, 6 та “Олтин буца”, Ла Лиганинг энг яхши тўпурари, Аргентина терма жамоасининг энг яхши тўпурари, Жаҳон Чемпионатларида энг кўп ўйин ўтказган футболчи... Жамоавий совринларини ҳам таърифлашга тил ожиз”, — дейилади Marca нашри баёнотида.
Лео 2003 йилдан 2021 йилга қадар “Барселона” шарафини ҳимоя қилган. 2021 йилдан 2023 йилгача эса “ПСЖ” сафида тўп сурган. 2023 йилдан буён АҚШнинг “Интер Майами” жамоаси футболчиси сифатида ўйнамоқда.
Изоҳ (0)