Аргентиналик футболчи Лионель Месси “Реал” ва “Манчестер Сити”ни дунёнинг энг яхши жамоалари деб атади.
“Энг яхши жамоа — ‘Реал’. Чунки улар Чемпионлар Лигасининг амалдаги ғолиби.
Ўтган йилларда улар ‘Манчестер Сити’дек энг яхши ўйинларини кўрсатди. Натижаларга қарасак, ‘Реал’ энг яхшиси. Ўйин жиҳатидан Пеп Гвардиоланинг ‘Манчестер Сити’си менга ёқади.
Гвардиола бошқарадиган исталган жамоа бошқалардан ажралиб туради, деб ўйлайман.
Футбол жиҳатидан энг зўр жамоа — ‘Манчестер Сити’, натижалар жиҳатидан ‘Реал’ энг зўри”, — дейди “Интер Майами” ҳужумчиси.
Эслатиб ўтамиз, Месси 2003 йилдан 2021 йилга қадар “Реал”нинг асосий рақиби “Барселона” сафида тўп сурган. Пеп Гвардиола эса 2008 йилдан 2012 йилгача каталонияликлар бош мураббийи сифатида ишлаган.
Изоҳ (0)