Аргентиналик футболчи Лионель Месси чемпионатларда 500 та гол урди. “Интер Майами” ҳужумчисига бу муҳим кўрсаткичга эришиш учун қанча вақт керак бўлди?
Фақат бир нечта ўйинчиларгина бу маррага ета олган. Месси ҳам бу элитага қўшилди
Лео голларининг аксар қисмини Европада, “Барселона” ва “ПСЖ”даги фаолияти давомида урган. Аниқроқ қилиб айтадиган бўлсак, 474 та гол “Барселона” сафида, 22 таси “ПСЖ”да, сўнгги 4 та гол эса “Интер Майами”даги ўйинларда урилди.
36 ёшли футболчи 3 март, якшанба тонгида “Орландо Сити”га қарши ўйинда дубль қайд этди ва бу икки гол уни 500 лик маррага етказди.
Мессининг 500-голига Суареснинг ассистлик қилиши ҳам футболчига ўзгача завқ берди. Уругвайлик ҳужумчи чап қанотдан узатмани амалга оширди ва Месси ўз вақтида боши билан зарба йўллади.
Аргентиналик ҳужумчи MLS’га мослашиб олаётганини инобатга олсак, эндиликда бу кўрсаткич янада яхшиланишига умид қилсак бўлади.
Статистикага таянадиган бўлсак, Лео MLS’да ҳар 90 дақиқада гол уришга эришмоқда. Агар Месси мавсум сўнггигача ушбу натижани сақлай олса, мавсум сўнггигача 34 та гол уриши мумкин.
Роналду бу маррани қачон забт этган?
Криштиану Роналду эса 2023 йилнинг 9 февралида ўзининг чемпионатдаги 500-голини урган. У “Ан-Насср”нинг “Ал-Ваҳда”га қарши ўйинида покер қайд этди.
2023 йилда бу муҳим натижага эришгандан буён, 39 ёшли футболчи ўз ҳисобига кўплаб голларни ёзиб қўйди. Унинг ҳозирда чемпионатларда урилган голлари сони 534 та.
Роналдунинг дастлабки 500 та голидан 311 таси “Реал”да, 103 таси “Манчестер Юнайтед”да, 81 таси “Ювентус”, 3 таси “Спортинг”да ва охирги иккита гол “Ан-Насср”да урилган.
Бу икки футбол юлдузининг 30 ёшдан кейинги ўйинлари ҳам мухлисларни ҳайрон қолдирмоқда. Футболчилар ҳали ҳам ўзларидан анча ёш футболчилар билан тенгма-тенг кураша оляпти.
Хўш, футболчиларнинг 500 та гол уриш учун қанча вақт сарфланган?
Изоҳ (0)