Бугун, 20 ноябрь куни Аргентина терма жамоаси футбол бўйича 2026 йилги Жаҳон чемпионатига саралаш босқичи доирасида Перу терма жамоасини қабул қилди. Учрашувда аргентиналиклар ягона гол ҳисобига ғалаба қозонди.
Учрашувнинг 55-дақиқасида ҳужумчи Лаутаро Мартинес жамоа сардори Лионель Мессининг узатмасидан сўнг ҳисобни очди. MLS матбуот хизмати хабарига кўра, Месси терма жамоалардаги голли узатмалар сони бўйича тарихий рекордни такрорлади. Ҳозирда Мессининг ҳисобида 58 та самарали узатма бор. АҚШ терма жамоаси таркибида Лендон Донован худди шунча голли узатмани амалга оширган.
Маълумот учун, Месси 2023 йил ёзида Франциянинг “ПСЖ” клубидан эркин агент сифатида “Интер Майами”га кўчиб ўтган эди. Бу вақт ичида аргентиналик футболчи клуб сафида 39 та ўйин ўтказиб, 34 та гол ва 19 та голли узатмани амалга оширган.
Изоҳ (0)