“Inter Mayami” klubining argentinalik hujumchisi Lionel Messi “Barselona”da unga eng katta ta’sir o‘tkazgan ikki kishi haqida fikr bildirdi.
“Menimcha, menga turli jihatlarda katta ta’sir ko‘rsatgan ikki kishi bor. Birinchisi Gvardiola, chunki u ko’p yillar davomida mening murabbiyim bo‘lgan va birgalikda biz orzu ham qila olmaydigan ajoyib muvaffaqiyatlarga erishdik. Ronaldinyo esa meni yaxshi kutib oldi va asosiy jamoaga kelganimning ilk daqiqalaridan menga yordam berdi. Men Inyesta va Xavini do‘st sifatida yaxshi eslayman, shuningdek, Mayamida men bilan birga o‘ynayotgan uch kishi — Buskets, Alba va Suaresni ham alohida e’tirof etishimiz zarur. Ular ham mening do‘stlarim. Albatta, Tito Vilanovani alohida ta’kidlamoqchiman, uni barchamiz juda sog‘inamiz”, deya Messining so‘zlarini keltiradi Mundo Deportivo.
Ma’lumot uchun, Messi 2021-yilda “Barselona”ni tark etgandi. Klubdagi 17 yilgi faoliyat davomida futbolchi barcha musobaqalarda 520 ta uchrashuvda maydonga tushdi va 474 ta gol urishga erishdi.
2023-yildan “Inter Mayami” jamoasida o‘ynayotgan futbolchi 25 uchrashuvda maydonga tushdi va 21 ta gol urdi.
Izoh (0)