“Манчестер Сити” ҳужумчиси Эрлинг Ҳоланд Чемпионлар Лигасида 44 та гол урди ва Европанинг асосий турнирида тўпурарлар рўйхатида 16-ўринни эгаллаб турибди.
Норвегиялик футболчи Чемпионлар Лигаси умумий босқичи 3-туридан ўрин олган “Спарта” (5:0) билан ўйинда дубль қайд этди. Squawka хабарига кўра, 24 ёшли норвегиялик форвард бу кўрсаткич бўйича Кот-д’Ивуар термасининг машҳур ҳужумчиси Дидье Дрогбага (44) етиб олди. Ваҳоланки, норвегиялик ҳужумчи турнирда бор-йўғи 42 ўйин ўтказди. “Челси”нинг собиқ ҳужумчиси Чемпионлар Лигасида 92 та ўйинда майдонга тушиб 44 та гол урган.
Жорий мавсумда Ҳоланд клуб ва терма жамоа сафида 16 та ўйин ўтказиб, 16 та гол ва 8 та голли узатмани амалга оширди. Transfermarkt интернет порталига кўра, ҳужумчининг тахминий нархи 200 миллион еврони ташкил қилади.
Чемпионлар Лигасининг тўпурарлар рўйхатини Роналду бошқариб турибди. Португалиялик футболчининг мусобақадаги голлари сони 140 тани ташкил этади. Месси 129 та гол билан иккинчи ўринни эгаллаб турибди. Левандовски 92 та гол билан кучли учликни якунлаб турибди.
Изоҳ (0)