“Интер Майами” футболчиси Лионель Месси АҚШга бориш қарорини қандай қабул қилганини айтиб ўтди.
“Бахтимга, менда бир нечта вариант бор эди, уларнинг ҳар бирини таҳлил қилишим, оилам билан муҳокама қилишим керак эди.
Албатта, биринчи вариант — “Барселона”га қайтиш эди. Бироқ, бу амалга ошмади. Қайтишга ҳаракат қилдим, лекин бунинг иложи бўлмади.
Саудия Арабистони чемпионатига ҳам ўтишим мумкин эди. У лигага ўтиш ҳақида жуда кўп ўйлагандим.
Саудияни биламан, улар жуда кучли чемпионат ярата олди. Яқин келажакда энг муҳим лигалардан бирига айланади.
Саудия Арабистони ва MLS — мана шу икки вариант энг қизиқарлилари эди”, — дейди Лео.
Изоҳ (0)