ФИФА 15 январь, душанба куни мавсумнинг энг яхшиларига The Best соврларинини топширди.
Йилнинг энг яхши ўйинчиси сифатида “Интер Майами” клуби ва Аргентина терма жамоаси ҳужумчиси Лионель Месси эътироф этилди.
Ушбу совринга, шунингдек, франциялик футболчи Килиан Мбаппе (“ПСЖ”) ва норвегиялик Эрлинг Ҳоланд (“Манчестер Сити”) даъвогарлик қилганди.
Йилнинг энг яхши мураббийи номига “Манчестер Сити” жамоаси бош мураббийи Пеп Гвардиола муносиб топилди. Ушбу совринга даъвогарлар учлигида Лучано Спаллетти (“Наполи” / Италия терма жамоаси) ва Симоне Инзаги (“Интер”) бор эди.
Бразилиялик посбон Эдерсон (“Манчестер Сити”, Бразилия) йилнинг энг яхши дарвозабонига айланди. Бу борада Мартинесга Тибо Куртуа (“Реал”, Бельгия) ва Яссин Буну (“Ал-Ҳилол”, Марокаш) рақобатчи бўлганди.
Йилнинг энг чиройли голи муаллифига топшириладиган “Пушкаш соврини”га Гильерме Мадруга лойиқ кўрилди.
ФИФА ва FIFPro талқинига кўра йил рамзий терма жамоаси
Дарвозабон: Тибо Куртуа (“Реал”, Бельгия);
Ҳимоячилар: Кайл Уолкер, Жон Стоунз, Рубен Диаш (барчаси “Манчестер Сити”);
Ярим ҳимоячилар: Бернарду Сильва, Кевин де Брюйне (иккаласи ҳам “Манчестер Сити”), Жуд Беллингҳем (“Реал”);
Ҳужумчилар: Лионель Месси (“Интер Майами”), Килиан Мбаппе (“ПСЖ”), Винисиус Жуниор (“Реал”), Эрлинг Ҳоланд (“Манчестер Сити”).
Шунингдек, қуйидаги совринлар ўз эгаларига топширилди:
- Энг яхши футболчи (аёллар) — Айтана Бонмати (“Барселона”, Испания терма жамоаси);
- Энг яхши дарвозабон (аёллар) — Мери Эрпс (“Манчестер Юнайтед”, Англия);
- Энг яхши мураббий (аёллар) — Сарина Вигман (Англия аёллар терма жамоаси);
- Энг яхши мухлис — Аргентинанинг Санта-Фе шаҳридаги “Атлетико Колон” мухлиси;
- Фейр-плей соврини — Ирқчиликка қарши курашган бразилиялик футболчилар;
- Махсус соврин — Марта (Аёллар футболига қўшган ҳиссаси учун).
Совриндорлар 2022 йил декабрь ойидан (ЖЧ—2022 тугаганидан сўнг) 2023 йил август ойига қадар бўлган даврдаги натижалар бўйича аниқланди.
Изоҳ (0)