Футбол бўйича MLS’нинг сўнгги тур учрашувлари бўлиб ўтди.
“Интер Майами” ўз уйида “Ню Инглиш Револушн” жамоасини қабул қилди. Учрашув Форт-Лодердей шаҳрида бўлиб ўтди ва 6:2 ҳисобида мезбонларнинг йирик ғалабаси билан якунланди.
Мезбонлар сафида Лионель Месси хет-трик қайд этган бўлса, Луис Суарес дублга эришди ва яна бир голни Бенҳа Кремаски киритди. Месси битта, Суарес эса икки голга ассист амалга оширди.
Қизиқарлиси, меҳмонлар Лука Лангони ва Дилан Борреронинг голи эвазига 2:0 ҳисобида олдинга чиқиб олганди. Кейинчалик улар 6 та гол ўтказиб юборди.
Бу “Интер Майами”нинг MLS мунтазам мавсумидаги сўнгги ўйини бўлди. Жамоа муддатидан аввал чемпионликни расмийлаштирган.
MLS
Сўнгги тур
19 октябрь, шанба
Голлар: 0:1 — Лука Лангони (2), 0:2 — Дилан Борреро (34), 1:2 — Суарес (40), 2:2 — Суарес (43), 3:2 — Бенҳа Кремаски (58), 4:2 — Месси (78), 5:2 — Месси (81), 6:2 — Месси (89).
Изоҳ (0)