“Барселона” ҳужумчиси Роберт Левандовски Криштиану Роналду ва Лионель Месси билан рақобат ҳақида фикр билдирди. У ўзининг фаолиятини муваффақиятли давом эттириш учун ушбу футболчиларга қараб, рекордлар ўрнатиш ва гол уришга интилганини таъкидлади.
“Мен уларга қарардим ва голлар уриб, рекордларни янгилашга ҳаракат қилардим. Уларнинг рекордларини бузишни назарда тутмаяпман, чунки улар бошқа дунёдан. Мен улардан кейинги ўринда туришни ёки баъзи жиҳатларда бўлса-да, улардан ўтиб кетишни хоҳлардим. Исмим мукофотларга номзодлар қаторида улар билан бирга тилга олинишини орзу қилардим”, дейди Левандовски Рио Фердинанднинг YouTube каналидаги видеода.
Маълумот учун, жорий мавсумда ҳужумчи барча мусобақаларда 17 ўйинда майдонга тушиб, 19 гол ва 2 ассист қайд этди.
Goal нашри эълон қилган “Барселона”нинг 25 энг яхши футболчилари қаторида полшалик ҳужумчи ҳам эътироф этилди.
Аввалроқ футболчи Испания клуби билан 2027 йилгача шартномани узайтирмоқчи экани хабар берилган эди.
Изоҳ (0)