Бразилия терма жамоаси ҳужумчиси Неймар португалиялик Криштиану Роналду ҳамда Бразилия терма жамоаси ҳамда каталониянинг “Барселона” клуби афсонаси Роналдиньо ўртасида қийин танловни амалга оширди.
Футболчи “Энг яхши ўйинчини танла” номли ўйинда қатнашди. Неймар Роналду ва Роналдиньо ўртасида танлов қилишга мажбур бўлгунга қадар барча саволларга ишонч билан жавоб берди. Кейин эса Неймар бир оз қийналди ва тин олиб Роналдуни танлади. Бироқ шундан сўнг дарҳол португалиялик футбол юлдузини эмас, Лионель Мессини танлашини маълум қилди.
Неймар 2023 йилнинг ёзида “ПСЖ”дан “Ал-Ҳилол”га ўтган эди. Бу даврда у барча турнирларда бешта учрашувда қатнашиб, битта гол ва учта голли узатмани амалга оширди. Жорий мавсум якунида “Ал-Ҳилол” Саудия Арабистони чемпионига айланди.
Изоҳ (0)