Каталониянинг “Барселона” клуби ҳужумчиси Роберт Левандовски Чемпионлар Лигасида гол уришнинг ўртача кўрсаткичи бўйича 0,79 гол нисбати билан энг яхши футболчига айланди. Бу ҳақда таниқли Opta Жосе статистик портали Х (собиқ Twitter) ижтимоий тармоғида хабар берди.
Манбага кўра, полшалик футболчи машҳур ҳужумчилар Криштиану Роналду (0,77) ва Руд ван Нистелрой (0,77) дан ўзиб кетган. Шунингдек, аргентиналик Лионель Месси билан (0,79) тенглашган. Франциялик ҳужумчи Карим Бензема бешинчи ўринда (0,59) жойлашган.
Левандовски Чемпионлар Лигасидаги фаолияти давомида 122 ўйинда 96 та гол урган. У бу голларни учта клуб — “Барселона”, “Бавария” ва “Боруссия Дортмунд” сафида урган.
Маълумот учун, УЕФА Чемпионлар лигасининг 2024—2025 йилги мавсуми гуруҳ босқичи 2-тур учрашувида “Барселона” жамоаси Швейцариянинг “Янг Бойз” жамоасини 5:0 ҳисобида мағлуб этди. Польшалик футболчи ушбу баҳсда дубль қайд этди.
Изоҳ (0)