Аргентиналик футболчи Лионель Месси келажакдаги режалари ҳақида гапирди.
“Футболдан кетишга тайёр эмасман. Мен бутун ҳаётим мобайнида футбол ичида бўлдим, бу менга ёқади. Машғулотлардан, ҳар кунлик ишлардан ва ўйинлардан завқланаман.
Ўзимни мураббий сифатида кўрмаслигимни доим такрорлайман. Мураббий бўлишни хоҳламайман. Лекин ҳаётда шундай бурилишлар бўладики, уларни олдиндан билмайсан. Шундай бўлса-да, бунинг эҳтимоли кам деб ҳисоблайман.
Ҳа, келажакда ҳам футбол оламида бўлишни истайман, чунки бу менинг ҳаётим”, — дейди “Интер Майами” ҳужумчиси.
Лео 2003 йилдан 2021 йилга қадар “Барселона” шарафини ҳимоя қилган. 2021 йилдан 2023 йилгача эса “ПСЖ” сафида тўп сурган. 2023 йилдан буён АҚШнинг “Интер Майами” жамоаси футболчиси сифатида ўйнамоқда.
Изоҳ (0)