Саудия Арабистони 2030 йилга қадар трансферлар учун қанча пул сарфлай олиши маълум қилинди.
Журналист Бен Жейкобснинг ёзишича, Саудия Арабистони спорт вазирлиги 2030 йилга қадар маҳаллий клублар учун бюджетдан 17 миллиард фунт (19,7 миллиард евро) ажратган. Бу ҳар йилга деярли 2,5 миллиард евродан тўғри келади.
Ёзнинг бошида Килиан Мбаппе трансфери учун бюджет етишмайди деб ҳисобланганди, бироқ саудиялик раҳбарлар ва “Ал-Ҳилол” бундай вазият юзага келишини билган ва тайёргарлик кўрган.
Лионель Месси билан музокаралардаги муваффақиятсизликдан сўнг, “Ал-Ҳилол” юлдуз мақомидаги футболчини олиб келишга диққатини қаратган. Бу ҳозирда клуб учун асосий мақсад бўлиб турибди. Жамоа ушбу ёзда Неймар ва Лука Модрич трансферлари имкониятини ҳам ўрганиб чиққан.
“Ал-Ҳилол”нинг 2024 йилдаги асосий трансфер мақсади — Роберт Левандовски. Ҳозирча “Барселона” ҳужумчиси Саудия Арабистонига ўтиш ҳақида ўйламаяпти.
Аввалроқ, “ПСЖ” “Ал-Ҳилол”нинг 300 миллион евролик таклифини қабул қилгани ҳақида хабар қилинганди. Ҳужумчининг ўзига эса бир мавсум учун 700 миллион евро ва 2024 йилда “Реал”га текинга ўтишни ваъда қилган.
Изоҳ (0)