Футбол тарихидаги энг яхши марказий ҳужумчилар рейтинги эълон қилинди

Give me Sport портали футбол тарихидаги энг яхши марказий ҳужумчилар рейтингини тақдим этди.

Ушбу рўйхатга аргентиналик Лионель Месси ва португалиялик Криштиану Роналду киритилмади, чунки улар фаолиятининг катта қисмини бошқа позицияда ўтказган.

Биринчи ўринни Бразилия терма жамоасининг афсонавий ҳужумчиси Пеле эгаллади. Иккинчи ўринда “Реал”нинг собиқ ҳужумчиси Пушкаш бўлди. Кучли учликни “Бавария”нинг собиқ тўпурари Герд Мюллер якунлади.

Топ ўнликка, шунингдек, Ромарио, Эйсебио, Альфред о ди Стефано, Роналдо, Терри Анри, Жимми Гривз ва Уэйн Руни ҳам бор.

Маълумот учун, Лионель Месси марказий ҳужумчи бўлишидан олдин қанот ҳужумчиси сифатида ўйнаган. У “Барселона” жамоасида ўз фаолиятини бошлаганида, ўнг қанотда ўйнарди. Унинг дриблинг қобилияти ва тезлиги унга ҳужумлар ташкил қилишда катта ёрдам берган. Кейинчалик, Месси ҳужум чизиғининг марказига яқинроқ ўйнай бошлади.

Криштиану Роналду ҳам марказий ҳужумчи бўлишидан олдин қанот ҳужумчиси сифатида ўйнаган. У ўз фаолиятини “Спортинг” ва “Манчестер Юнайтед” жамоаларида бошлаганида чап қанотда ўйнар эди. Роналдунинг тезлиги, кучли зарбаси ва юқори сакраш қобилияти уни қанотда жуда самарали ўйинчи бўлишига хизмат қилган. Кейинчалик “Реал Мадрид“да у марказий ҳужумчи сифатида ҳаракат қила бошлади.