“Барселона” ҳужумчиси Роберт Левандовски Чемпионлар Лигаси умумий босқичининг 5-турида “Брест” билан ўйинда пенальтини аниқ амалга оширди.
Польшалик форвард учун бу гол турнирдаги 100-гол бўлди. Илгари бу кўрсаткичга фақат Криштиану Роналду (140) ва Лионель Месси (129) эришган эди. Бу натижага эришиш учун 36 ёшли Левандовскига 125 та ўйин керак бўлди. У аввалроқ Дортмунднинг “Боруссия” ва “Бавария” клубларида тўп сурган. “Барселона” учун футболчи Чемпионлар Лигасида 19 та ўйинда 14 та гол урди.
Ҳозирда Саудия Арабистонининг “Ал-Иттиҳод” жамоасида тўп сураётган Карим Бензема ҳисобида Чемпионлар Лигасида 90 та гол бор. Ўз фаолиятини олиб бораётган футболчилардан Томас Мюллер (54) ва Килиан Мбаппе (49) Чемпионлар Лигасида 100 лик довонга энг яқин келган спортчилар ҳисобланади.
Маълумот учун, испан клуби ушбу учрашувда 3:0 ҳисобида ғалаба қозонди.
Аввалроқ “Барса” ҳужумчиси Роналду ва Месси билан рақобат қилгани ҳақида гапирган эди.
Изоҳ (0)