Испаниялик актриса ва модел Пенелопа Круз Санчес апрель ойида 50 ёшга тўлди. Минглаб эркакларни ақлдан оздирган ва ўзининг гўзаллиги билан ҳайратга солган аёл карьерасини 90 йилларда бошлаган.
Ҳозирда Пенелопанинг фильмографиясида 80 дан ортиқ фильмлар бор, уларда Голливуд юлдузи турли хил қаҳрамонларни қанчалик моҳирлик билан ижро этганини кўриш мумкин. Крузнинг ота-онаси кино саноатидан узоқ эди: онаси Энкарна шахсий сартарошхонани бошқарган ва уч фарзандни тарбиялаган, отаси Эдуардо эса тадбиркор бўлган.
Пенелопа 14 ёшида мустақил равишда режиссёрга қўнғироқ қилган (телефон китобидан рақамини топиб олган) ва унга актриса бўлиш нияти ҳақида гапирган, кейин эса уникига меҳмонга борган. Шундан сўнг қиз турли кастингларда қатнаша бошлайди, кейинчалик унга “Lа Quintа Маrcha” шоусига бошловчи бўлиш таклиф қилинади.
Болалигимда ўтакетган экстроверт эдим... Кечки мактабда ўқиганман, балетга қатнашардим, кастинглардан қолмасдим. Ўзимга агент қидирганимда улар мени уч марта рад этишди, чунки кичкина қиз эдим, лекин мен таслим бўлишни хоҳламасдим.
Пенелопанинг карьераси 2001 йилда гуллаб-яшнайди. Шундан кейин у “Готика”, “Булутга етган бош”, “Ноэл”, “Безори қизлар”, “Кариб денгизи қароқчилари: номаълум қирғоқларда” фильмларида роль ижро этади. Актриса Вуди Алленнинг “Викки Кристина Барселона” мелодрамасидаги роли учун 2009 йилда “Иккинчи пландаги энг яхши актриса” номинациясида “Оскар” мукофотига сазовор бўлади.
2010 йилда актриса ўзидан беш ёш катта бўлган испаниялик актёр ва атроф-муҳит фаоли Хавьер Бардемга турмушга чиқади.
Пенелопа Круз ва Хавьер Бардем муносабатлари
1992 йилда улар суратга олиш майдончасида танишган. Ўша пайтда Пенелопа 16 ёшда, Хавьер 21 ёшда эди. Шундан сўнг улар ўртасида муҳаббат пайдо бўлади.
Аммо суратга олиш ишларидан кейин уларнинг йўллари айро тушади, 2007 йилгача бир-бирларини кўришмайди. Бу даврда Пенелопа Том Круз, Меттью Макконаҳи, Николас Кейж ва Мэтт Деймон билан муносабат ўрнатишга ҳаракат қилади. Аммо ҳеч бир муносабат никоҳгача бормайди — турли диний эътиқодлар, спиртли ичимликларни суиистеъмол қилиш ва хиёнатлар Крузни муносабатларга чек қўйишга мажбур қилади.
Айтганча, Хавьер ҳам ўша пайтда банд эди, лекин Круз билан иккинчи учрашувдан бир оз олдин у ҳам севгилиси билан ажрашади. Агар Вуди Алленнинг “Викки Кристина Барселона” фильми бўлмаганида, жуфтлик яна бирга роль ўйнамаган, актёрлар қайта кўришмаган бўларди.
Шу пайтдан бошлаб Круз ва Бардем учраша бошлайди. Ҳар сафар оммавий ахборот воситалари уларни бирга кўрганида, юлдузлар дўст эканини даъво қилади. Хавьер “Викки Кристина Барселона” фильмидаги энг яхши актёр мукофотини олгунча ва Канн кинофестивалида тантанали нутқ сўзлагунга қадар, севишганлар уч йил давомида муносабатларини оммадан яширади.
Кейин улар яширин тўй ўтказишади — Багамадаги дўстларининг уйида бўлган тўйида Пенелопа Жон Галлианонинг дизайнерлик либосини кийган, аммо маросимдан фотосуратлар йўқ.
Пенелопа Круз ва болалар тарбияси
2011 йилда таниқли жуфтлик биринчи марта ота-она бўлади — улар Леонардо (Лео) исмли ўғил кўради. Бир неча йил ўтгач, Луна Энчинас исмли қизи туғилади. Ғамхўр ота-она фарзандларига оддий, беғам болаликни бериш учун уларни камералар ва оммадан ҳимоя қилади.
Актрисанинг таъкидлашича, болалари ижтимоий тармоқлардан фойдаланмайди — уларга 16 ёшгача шахсий аккаунт очиш тақиқланган.
Ўқув йили тугаб, болалар учун ёзги таътил бошланиши билан Пенелопа ҳам таътилга чиқади ёки режиссёрларни ҳозирда ишлай олмаслиги ҳақида олдиндан огоҳлантиради. Бундай таътилларда юлдуз болаларида санъатга меҳр уйғотади, уларни оддий нарсаларда ҳам гўзалликни кўришга ўргатади.
Пенелопа Круз: ёшлигидаги ва ҳозирги фотошопсиз фотосуратлари
Голливуд соҳибжамоли 20 ёшида бўлгани каби 50 ёшида ҳам худди шундай гўзал. У мукаммал қомат, силлиқ тери ва ипакдек сочлари билан фахрланади.
- Актриса Бикрам ёга билан шуғулланади — машқлар 40 даража ҳарорат ва юқори намлик бўлган хонада ўтказилади;
- Кўп сув ичади ва тўғри овқатланади;
- Кремлар, ниқоблар ва геллар ёрдамида юз терисини мунтазам равишда намлайди. У кундалик ҳаётда косметикадан деярли фойдаланмайди.
- Крузнинг сўзларига кўра, у пластик жарроҳлик амалиётига қарши эмас, лекин ҳали жарроҳ хизматидан фойдаланишига эрта. Юлдуз қариб қолишдан қўрқмайди. Унинг фикрича, гўзаллик ҳар йили ўзига хос тарзда намоён бўлади. Бунда кийим муҳим роль ўйнайди — бу сизни бир неча ўн йилга ёшроқ қилиши мумкин ёки аксинча.
Пенелопа оддий кийимларни афзал кўради: футболка, жинси шим, кардиган ва кроссовкалар, чунки у “Голливуд ҳашамати”дан чарчаган.
Пенелопа Круз: ҳозирда бўйи ва вазни
Ғарб манбаларига кўра, Пенелопанинг бўйи тахминан 168 сантиметр, вазни эса 60 килограмм.
Изоҳ (0)