AQSH prezidenti Donald Tramp bolaligida nay chalganini aytib, naychi bo‘lishi mumkinligi haqida hazillashdi. Biroq otasi bunday kasb yo‘lini ma’qullamaganini bildirdi.
The New York Post gazetasi podkastida prezident bolaligida ota-onasi uni maxsus qobiliyatlarni baholash uchun sinovlarga olib borganini esladi.
“Sinov o‘tkazuvchilar otamning oldiga kelib: “O‘g‘lingizning ajoyib musiqa qobiliyati bor, u zo‘r musiqachi bo‘lishi mumkin”, deyishdi. Ammo bu otam eshitishni istagan gap emasdi”, deydi Tramp.
U o‘zining musiqiy eshitish qobiliyati borligini qo‘shimcha qilgan.
“Ular (sinov o‘tkazuvchilar) nota chalishdi – bu hozirgacha esimda. Keyin boshqa savollar berishdi, so‘ngra bir soat oldin qaysi nota chalinganini so‘rashdi. Menimcha, to‘g‘ri javob berdim”, deya davom etdi prezident.
Oq uy rahbarining aytishicha, nay chalish darslarida qatnashgan.
“Men juda qisqa vaqt davomida nay chalganman. Bunga ishonasizmi? Nay chalish darslarini olganman. Siz mendan bu haqda so‘ragan birinchi odamsiz. Naychi bo‘lishim mumkin edi. Lekin buni unchalik yoqtirmasdim”, deya javob berdi prezident musiqa asboblarini chalasizmi, degan savolga.
Shu bilan birga, u hozir bu asbobda biror narsa chala olishiga shubha bildirgan. Shuningdek, Tramp muntazam ravishda musiqa tinglashini va uni boshqalarga eshittirishini tan olgan. U musiqachilarni iste’dodli odamlar deb bilishini aytib, musiqa yozishni murakkab kasb deb atagan.
“Men iloji boricha ko‘proq musiqa tinglayman. Turli janrlarni yoqtiraman. Kantri musiqasini juda yaxshi ko‘raman, menimcha, Britaniyalik musiqachi Elton Jon ajoyib, mutlaqo ajoyib”, deydi Tramp.
Izoh (0)