10-iyun Suriya mamlakatning shimoli-g‘arb qismida avtomobil va motosiklga dron zarbalari oqibatida 2 kishi halok bo‘lganini ma’lum qildi. Bu haqda Arab News xabar berdi.
Idlib mintaqasidagi 2 ta dron hujumi uchun javobgarlikni hech kim bo‘yniga olmagan. Ammo Suriyadagi AQSH boshchiligidagi koalitsiya o‘tmishda bu hududdagi terrorchilarga zarbalar bergan.
2025-yil boshida Qo‘shma Shtatlar bu hududda “Al-Qoida”ning Suriyadagi bo‘linmasi “Xurras Ad-Din”ning bir necha qo‘mondonini o‘ldirganini ma’lum qilgan edi.
Guruh yaqinda dekabr oyida Bashar Asad hokimiyatdan ag‘darilganidan keyin isyonchilar tuzgan muvaqqat hukumat buyrug‘i bilan tarqalib ketayotganini ma’lum qilgandi. AQSH qo‘shinlari Suriyada “Daish” guruhiga qarshi kurashish uchun AQSH boshchiligidagi koalitsiya tarkibida joylashtirilgan. AQSH mudofaa idorasi xodimi bundan xabardorligini, ammo o‘sha paytda “beradigan hech narsasi yo‘qligini” aytgandi.
May oyida Ar-Riyodda bo‘lib o‘tgan uchrashuvda AQSH prezidenti Donald Tramp suriyalik hamkasbi Ahmad Ash-Shara’ani Vashingtonga “Daish”ning qayta faollashuviga yo‘l qo‘ymaslikka yordam berishga chaqirgandi.
Izoh (0)