Qirg‘izistonning O‘sh viloyatida erkak xotinini o‘ldirganlikda gumon qilinmoqda. Bu haqda marhumning qishloqdoshlari ijtimoiy tarmoqlar orqali xabar bergan.
Ularning so‘zlariga ko‘ra, 26-may kuni 38 yoshli ayol maktab bitiruvchilari 20 yillik yubileyini nishonlagan bayram tadbirida qatnashgan. Bu erining g‘azabini chiqargan. Xotinini urib, otga bog‘lab sudragan, keyin otib tashlagan.
Viloyat IIBning qayd etishicha, 26-may kuni Qoraqo‘lja tumanida yashovchi fuqaro olgan tan jarohatlari tufayli shifoxonaga olib ketilayotganda yo‘lda vafot etgani haqida xabar kelib tushgan.
Holat yuzasidan sud-tibbiy ekspertizasi tayinlangan. Mazkur holat bo‘yicha Qirg‘iziston Respublikasi Jinoyat kodeksining qotillik moddasi bilan jinoyat ishi qo‘zg‘atilgan.
Jinoyatda gumon qilinib, marhumning 40 yoshli turmush o‘rtog‘i qo‘lga olingan. U vaqtinchalik saqlash hibsxonasiga joylashtirildi. Hozirda tergov davom etmoqda.
Izoh (0)