Қирғизистоннинг Ўш вилоятида эркак хотинини ўлдирганликда гумон қилинмоқда. Бу ҳақда марҳумнинг қишлоқдошлари ижтимоий тармоқлар орқали хабар берган.
Уларнинг сўзларига кўра, 26 май куни 38 ёшли аёл мактаб битирувчилари 20 йиллик юбилейини нишонлаган байрам тадбирида қатнашган. Бу эрининг ғазабини чиқарган. Хотинини уриб, отга боғлаб судраган, кейин отиб ташлаган.
Вилоят ИИБнинг қайд этишича, 26 май куни Қорақўлжа туманида яшовчи фуқаро олган тан жароҳатлари туфайли шифохонага олиб кетилаётганда йўлда вафот этгани ҳақида хабар келиб тушган.
Ҳолат юзасидан суд-тиббий экспертизаси тайинланган. Мазкур ҳолат бўйича Қирғизистон Республикаси Жиноят кодексининг қотиллик моддаси билан жиноят иши қўзғатилган.
Жиноятда гумон қилиниб, марҳумнинг 40 ёшли турмуш ўртоғи қўлга олинган. У вақтинчалик сақлаш ҳибсхонасига жойлаштирилди. Ҳозирда тергов давом этмоқда.
Изоҳ (0)