Samarqand viloyati hududida qotillik jinoyatini sodir etgan qidiruvdagi shaxs Qozog‘iston hududida qo‘lga olindi. Bu haqda viloyat IIB axborot xizmati rahbari xabar berdi.
Qayd etilishicha, Samarqand shahri Qadoqchilar ko‘chasida yashagan R.G.ga nisbatan qotillik jinoyatini sodir etib, tergov organlaridan yashiringan 29 yoshli fuqaro O.A. olib borilgan qidiruv ishlari natijasida Qozog‘iston hududida qo‘lga olingan.
Hozirda ushbu shaxsga nisbatan tergov harakatlari olib borilmoqda.
Fevral oxirlarida Turkiyaning Istanbul shahrida jinoyat qilganlikda ayblanib, qidiruvda bo‘lgan o‘zbekistonlik ushlangani to‘g‘risida xabar berilgandi. Shuningdek, yanvar oyida O‘zbekistonda 12 yildan beri yashirinib yurgan qozog‘istonlik qotil ushlangan edi.
Izoh (0)