Har yili turk kinoijodkorlari o‘nlab yangi seriallar suratga olishadi, biroq ularning faqat bir nechtasi tomoshabinlarning mehri va e’tiborini qozonishga muvaffaq bo‘ladi. Quyida so‘nggi besh yilda suratga olingan eng yuqori reytingli turk seriallari ro‘yxatini tayyorladik.
“Hukm”
(“Kinopoisk”dagi reytingi: 8.8)
Ilg‘az Kaya — prinsiplarga to‘liq amal qiladigan va adolatli prokuror, u shu bilan birga politsiya boshlig‘i janob Metinning o‘g‘li ham. Yangi qotillik ishida bosh gumondor sifatida esa uning ukasi tilga olinadi. Prokuror Ilg‘az ukasi Chinar bu fojia bilan bog‘liq emasligiga ishonsa-da, batafsil tergov o‘tkazishga majbur bo‘ladi. Metin Kaya o‘g‘lini himoya qilish uchun advokat sifatida Jaylin Erguvanni yollaydi. Ilg‘az u bilan ish yuzasidan doim qarama-qarshi fikrda bo‘lsa ham, ukasini faqat aynan shu advokat qutqara olishiga ishonadi. Tergov davomida esa advokat va prokuror o‘rtasida his-tuyg‘ular paydo bo‘ladi.
Bosh rollarda: Pinar Deniz, Kaan Urganjiog‘lu, Ugur Aslan va boshqalar.
“Cheksiz sevgi”
(“Kinopoisk”dagi reytingi: 8.6)
Xalil bolaligida ona shahrini tark etishga majbur bo‘ladi, so‘ng ko‘p yillar o‘tib, u yerga suyukli ayoli Yosamin bilan qaytib keladi. U yerda bolalikdan beri tanish bo‘lgan Zeynep Letoni yoqtirib qoladi. So‘ng Zeynep otasini qotiliga qarindosh ekani ma’lum bo‘ladi.
Bosh rollarda: Deniz Jan Aktash, Miray Daner, Asuman Dabak va boshqalar.
“Qizil sharbat”
(“Kinopoisk”dagi reytingi: 8.5)
Doa va Fotih bir-birlarini telbalarcha sevib, to‘y qilishni orzu qiladilar. Ammo sevishganlarning qarindoshlari bu nikohga qarshi chiqadi. Qizning onasi gender munosabatlariga nisbatan ilg‘or qarashlarga amal qilsa, yigitning ota-onasi tarixiy an’analarga bilan hurmat qaraydigan konservativ odamlar bo‘ladi. Baxtga erishish yo‘lida zamonaviy Romeo va Julyetta oilalaridagi tarqoqlikni yengib o‘tishlari va har qanday to‘siqlarga qarshi kurashishlari kerak bo‘ladi.
“Qizil sharbat”ning birinchi fasli Turkiyada haqiqiy fenomenga aylandi. Serialni boykot qilishdi, yopishni talab qilishdi, biroq u yuqori reytinglar bilan muvaffaqiyatli namoyishini davom ettirdi.
Bosh rollarda: Sila Yurkog‘lu, Ahmet Myumtoz Taylan, Dog‘ukan Gunger va boshqalar.
“Alvon g‘unchalar”
(“Kinopoisk”dagi reytingi: 8.5)
O‘zjan Deniz va O‘zg‘u Namal ishtirokidagi qiziqarli melodrama. Birinchi qism chiqishidan oldin ham serial atrofida ko‘plab muhokamalar bo‘lgan, syujet so‘fiylik mazhabi mavzusiga tegishli bo‘lib, bu cheksiz bahs-munozaralarga sabab bo‘lishi mumkin edi. Ammo serial katta auditoriyani jalb qilishga va yaxshi reytinglarga ega bo‘lishga muvaffaq bo‘ldi.
Shuningdek, loyiha tufayli turdizining yangi yulduzi — Mina Demirtash tanildi. Yosh aktrisa bor-yo‘g‘i 19 yoshda, ammo u allaqachon sezilarli muvaffaqiyatlarga erishmoqda. Albatta, bu loyihaning muvaffaqiyatiga Mert Yazijio‘g‘luning qo‘shgan hissani ta’kidlash joiz. Uning aktyorlik ijrosi allaqachon tomoshabinlar va tanqidchilar tomonidan munosib baholandi va “Oltin kapalak” mukofotiga sazovor bo‘ldi.
Bosh rollarda: O‘zjan Deniz, Mert Yazijio‘g‘lu, Mina Demirtash, O‘zgu Namal va boshqalar.
“Olis shahar”
(“Kinopoisk”dagi reytingi: 8.4)
Syujetga ko‘ra, Alya Albora eri vafotidan keyin 6 yoshli o‘g‘li bilan yolg‘iz qoladi. Sirli sabablarga ko‘ra eri hech qachon oilasi haqida gapirmasdi. Alya qarindoshlarining tashqi qiyofasini va nima bilan shug‘ullanishini bilmaydi. Ammo tez orada u ko‘p narsalarni bilib oladi, chunki erining xohishi bilan uni ona yurtiga dafn etishadi. Alya Mardenga uchib kelganida, u Alborlar oilasining qora ishlaridan xabardor bo‘ladi. Jihan bilan uchrashuv esa uning hayotini o‘zgartirib yuboradi.
“Olis shahar” seriali Turkiyada reytinglar bo‘yicha yangi rekordchi bo‘ldi. Livan seriali asosida yaratilgan ushbu moslama atigi bir necha hafta ichida butun dunyo bo‘ylab katta muxlislar armiyasini to‘plashga muvaffaq bo‘ldi. Murakkab syujet, ajoyib manzaralar va aktyorlarning ijrosi tomoshabinlarni o‘ziga rom eta oldi.
Bosh rollarda: Ozan Akbaba, Sinem Unsal, Gondja Jilasun va boshqalar.
“Nikoh haqida barcha haqiqat”
(“Kinopoisk”dagi reytingi: 8.4)
To‘rt opa-singil Cho‘lpan, Azra, Gunesh va Sanem Istanbulga ko‘chib o‘tadi va yuridik sohada karyera qiladi. Ularning barchasi ajrim jarayonlari bilan shug‘ullanadi. Qizlarning har birining shaxsiy hayoti turlicha rivojlanadi. Cho‘lpan eridan ajrashgan, Sanem nikohga umuman ishonmaydi, Azra baxtli turmush qurgan, Gunesh esa sevgan insoniga turmushga chiqish harakatida. Bir kuni opa-singillarning hayotida kutilmagan voqea sodir bo‘ladi: ularning otasi ko‘p yillar oldin boshqa ayolni deb qizlarning onasini tashlab ketgandi. Shunda qahramonlar oldida o‘z otasini kechirish yoki kechirmaslik tanlovi turadi.
Bosh rollarda: Go‘kche Bahadir, Sumru Yavrudjuk, Bertan Asllani va boshqalar.
“Alp Arslon: Buyuk saljuqiy” (2021)
(“Kinopoisk”dagi reytingi: 8.4)
Rejissyor Sedat Inji va prodyuser Emre Konuk tomonidan suratga olingan mazkur tarixiy serial Alp Arslonning Saljuqiylar imperiyasining sultoni sifatida hukmronlik qilgan davrda sodir bo‘lgan siyosiy voqealar va urushlar haqida hikoya qiladi. Serialda bosh rolni ko‘pchilikka “Ijaraga olingan sevgi” melodramasi bilan tanilgan Barish Arduch ijro etgan.
“Oila”
(“Kinopoisk”dagi reytingi: 8.4)
Aslan — noqonuniy klub biznesi bilan shug‘ullanuvchi boy oilaning merosxo‘ri. U yetarlicha mehr ko‘rmagan, jiddiy muammolarga ega va qat’iy onaning nazoratida ulg‘aygan yigit. Aslan oilasining qanday yo‘l bilan pul topayotganini yoqtirmaydi, lekin bu biznesdan chiqishning iloji yo‘q. Taqdir uni murakkab o‘tmishga ega yosh ayol — psixolog maslahatchisi Devin bilan uchrashtiradi. Devinning maslahatlari Aslanga katta yordam beradi. Tez orada ular bir-birlariga nisbatan his-tuyg‘ular alangalanganini anglab yetishadi. Ammo ularning baxt sari yo‘li nihoyatda og‘ir, uzoq va mashaqqatli bo‘ladi.
Bosh rollarda: Kivanch Tatlitug‘, Serenay Sarikaya, Nur Surer va boshqalar.
“Leyla”
(“Kinopoisk”dagi reytingi: 8.4)
Leylaning bolaligi go‘zal va baxtli o‘tadi, ammo bu faqat onasi vafot etguniga qadar davom etadi. Tez orada otasi boshqa ayol — makkor, yolg‘onchi va ikkiyuzlamachi Nurga uylanadi. Nur har doim faqat o‘z manfaatlarini ko‘zlagan. O‘gay onasining fitnalari tufayli Leyla nafaqat otasidan ajraladi, balki axlatxonaga tushib qoladi. Faqat tasodif tufayli u yangi oila topadi va ta’lim olish imkoniga ega bo‘ladi. Oradan yillar o‘tib, Leyla boshqa ism ostida tug‘ilib o‘sgan shaharga qaytadi. U o‘zining ayanchli taqdiridan o‘ch olish uchun Nurdan qasos olishga qat’iy bel bog‘laydi. Ammo u bu qasos uni qayerga olib borishini tasavvur ham qilolmagan edi.
Bosh rollarda: Jemre Baysel, Gonja Vuslateri, Alperen Duymaz va boshqalar.
“Uch qurush”
(“Kinopoisk”dagi reytingi: 8.3)
“Uch qurush” seriali 2021-yilning kuz-qish mavsumida namoyish etilgan va turk jamoatchiligining katta e’tiborini qozonmagan. Serialdagi mahalliy lo‘li diasporasi haqidagi voqealar ko‘plab tanqidlar bo‘ldi, tomoshabinlar loyihani boshidanoq yopishni talab qildi. Biroq reytinglar o‘rtacha bo‘lsa-da, serial davom etdi. Serial ijodkorlari yangi loyiha “Ichkarida” va “Chuqur” kabi mashhur seriallarning munosib davomchisi bo‘lishini kutgan, ammo kutilgan natijani olmagan. Shuning uchun loyiha bir mavsumdan keyin yakunlandi. Biroq boshqa mamlakatlarda bu turk seriali muxlislarga yoqdi.
Bosh rollarda: Ekin Koch, Uraz Kaygilaro‘g‘lu, Aslixan Malbora va boshqalar.
Izoh (0)