“Asiralar”, 2013
- Detektiv, drama, triller / AQSH
- Rejissyor: Deni Vilnyov
- Rollarda: Hyu Jekman, Jeyk Jillenxol, Viala Devis
Denis Vilnyovning “Asiralar” filmi chiqqanidan beri trillerlar orasida yetakchilikni egallab kelmoqda. Hyu Jekman qahramoni yo‘qolgan qizlarini qidiradi, Pennsilvaniyadagi sokin shaharchada esa kuchli yomg‘ir tinmaydi — har daqiqada syujet yanada qo‘rqinchli va sovuq bo‘lib boraveradi. Qurigan daraxtlar, bir qavatli uylar va quyuq bulutlar — “Asiralar” filmida dahshat deyarli yoningizda ekanligini his qilib, qahramonlar bilan birga labirintlar bo‘ylab bolalarni qidirishga tushasiz.
“Yetti”, 1995
- Detektiv, drama, triller / AQSH
- Rejissyor: Devid Fincher
- Rollarda: Morgan Friman, Bred Pitt, Gvinet Peltrou
Devid Fincherning mazkur filmi noma’lum shaharning o‘ziga xos depressiv dunyosini yaratadi. Loyqa va xira ranglar, qiyshiq interyerlar va doimiy uyquchanlik hissi — shunday kayfiyatda ikkita sherik-detektiv (Bred Pitt va Morgan Friman) bir qator qotilliklarni tergov qilayotgan drama rivojlanadi. Aynan “Yetti” filmi tufayli 90-yillar uslubi shakllangan. Fincherning bu kartinasini ayniqsa, yomg‘irli kunlarda issiq uyda, pardalarni yopib olgancha tomosha qilishni istaysiz.
“Qora yomg‘ir”, 1989
- Jangari, triller / AQSH
- Rejissyor: Ridli Skott
- Rollarda: Maykl Duglas, Endi Garsiya, Ken Takakura, Keyt Kepshou
Ridli Skott nafaqat “Tig‘ ustida yuguruvchilar” filmida, balki boshqa asarlarida ham urbanistik qorong‘ulik, neon chiroqlar va sivilizatsiya tanazzulini tasvirlagan. “Qora yomg‘ir” — bu qochib ketgan yakudzani (Yusaku Matsuda) izlab, Yaponiyaga borib qolgan ikki politsiyachi haqidagi (Maykl Duglas va Endi Garsiya) hayajonli kriminal triller. Filmda nihoyatda sovuq va noqulay muhit, tungi hayot manzaralari va qahramonlarni tobora zulmatga botirayotgan olam tasvirlangan.
“Qotillik haqidagi xotiralar”, 2003
- Jangari, detektiv drama / Koreya Respublikasi
- Rejissyor: Pon Jun Xo
- Rollarda: Son Kan-xo, Kim San-kyun, Kim Rve-xa, Chje-xo Son
Qo‘lga olinmagan seriali qotil va ikki politsiyachi haqidagi voqea Koreya provinsiyasining sovuq manzaralari fonida yuz beradi. “Qotillik haqidagi xotiralar” filmida kulrang bulutlar ham guvohlarni, ham ayollarga nisbatan nafratga to‘la manyakni umidsiz izlayotgan tergovchilarni qamrab oladi. Qotillik sahnalari, jinoyat joyiga borishlar va filmning ajoyib kataris bilan yakun topishi — bularning barchasini kuzgi tushkunlik kayfiyati qoplab oladi, bu filmning muhim jihatiga aylanadi.
“Jala”, 1998
- Jangari, drama triller / AQSH
- Rejissyor: Mikayel Salomon
- Rollarda: Morgan Friman, Kristian Slater, Rendi Kuayd
Mikayel Salomonning “Jala” filmi falokat va kriminal trillerni birlashtiradi: qorovul Tom (Kristian Sleyter) tabiat ofatidan ham, inkassator mashinasini talamoqchi bo‘lgan jinoyatchilar changalidan ham omon qolishga harakat qiladi. Shiddatli yomg‘ir qahramonlarning hayotini xaosga aylantiradi.
Izoh (0)