Mini-seriallar qiziqarli hikoyalarni sevuvchi, ammo serial ko‘rishga vaqti yetarli bo‘lmagan insonlar uchun haqiqiy topilmadir. Quyida so‘nggi yillarda suratga olingan eng boy syujetga ega yangi mini-seriallarni taqdim etamiz.
“Mukammal juftlik” (“The Perfect couple”)
Nikol Kidman va Liv Shrayber bosh rollarni ijro etgan mazkur serial ilk daqiqalaridan o‘ziga rom etadi va so‘nggi qismigacha tomoshabinni ekran qarshisiga mixlab o‘yadi. Syujet qiziqarli va kutilmagan voqealarga boy. Unda to‘y arafasida bir inson sirli tarzda vafot etadi. Shundan so‘ng tadbirga kelgan barcha mehmonlar gumonlanuvchi shaxslar ro‘yxatiga olinadi. Tergovchilar qotil kimligini izlab topishi ancha murakkab kechadi.
“Chin muhabbat” (“True Love”)
Dramaga boy serialda g‘ayrioddiy reja tuzgan bir guruh keksa insonlar haqida hikoya qiladi. Qahramonlar bu hayotni nafaqat chiroyli tarzda tark etishni, balki kutilmagan sarguzashtga yo‘liqishni ham istaydi.
“Ayollar mamlakati” (“Tierra de mujeres”)
“Umidsiz uy bekalari yulduzi Yeva Longoria yangi mini-serialda suratga tushdi. Unda ona va qiz birgalikda mamlakatni tark etishga to‘g‘ri keladi. Barcha muammolardan charchagan er ayoli va qizini tashlab, to‘satdan g‘oyib bo‘ladi. Eng qiyin davrda qizi bilan qolgan qahramonning keyingi hayoti turfa sarguzashtlarga boy bo‘ladi.
“Aybsizlik prezumpsiyasi” (“Presumed Innocent”)
Yuridik mavzudagi serialda bosh qahramon bo‘lgan prokurorning ishdagi ishqi yaxshilik keltirmaydi. Uning qallig‘i bir kechada qotillik alomatlari bilan halok bo‘ladi. Bu voqea prokurorning hayotini butunlay o‘zgartirib yuboradi. Yolg‘on va tuhmatlarga qolgan qahramon boshi berk ko‘chada qoladi.
“Klipperlar oilasi” (“Clipped”)
Sport mavzusidagi ushbu hujjatli film “Los Anjeles Klippers” jamoasi egasi va sportchilar o‘rtasidagi bahslar haqidadir. Unda irqchilik va millatchilik tufayli turli mojarolar sodir bo‘ladi. Serialdan katta ko‘plab ibrat olish mumkin.
Izoh (0)