Buxorolik erkak xotini bilan ajrashishni talab qilgan ayolni yostiq bilan o‘ldirdi. Bu haqda “Millar” dasturida xabar berildi.
Keltirilishicha, 25 yoshli erkak va 32 yoshli ayol o‘rtasidagi ishqiy munosabatlar qotillik bilan yakunlangan. Oilali erkak ajrashgan ayol bilan uyidagi texnika vositasini taʼmirlab berish bahonasida tanishib, yaqin bo‘lib ketadi. Hatto xorijda birga yashashgan.
Rashk sabab ayol erkakning oilasi bilan ajrashishini talab qiladi. Buning ortidan kelib chiqqan janjal sabab erkak uni yostiq bilan o‘ldirib, jasadni yerto‘laga tashlagan. Voqea chet elda bo‘lgan. Shundan so‘ng erkak Buxoroga qaytgan. Ayolning oila aʼzolari esa 10 kun uni qidirishgan, keyin ichki ishlarga murojaat qilishgan.
Tergov harakatlari davomida erkak barcha qilmishlarini tan olgan. Holat yuzasidan sud majlisi o‘tkazilib, erkakka nisbatan 11 yil ozodlikdan mahrum qilish jazosi tayinlandi.
Jinoyat bilan yakunlangan oilaviy janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
Izoh (0)