Arkanzas shtati Geytvey shaharchasining sobiq politsiya boshlig‘i 25-may kuni qamoqdan qochib ketdi. U qotillik va zo‘rlashda ayblanib, hibsda saqlanayotgandi. Bu haqda CNN xabar berdi.
56 yoshli Grant Xardin 2017-yildan beri qamoqda jazo o‘tayotgan edi. Hozirda shtat bo‘ylab uni bir nechta agentliklar, jumladan, shtat politsiyasi va sherif idoralari izlamoqda.
U qanday qochgan?
Hardin 25-may kuni taxminan 15:40 da Shimoliy Markaziy bo‘linma qamoqxonasidan qochib ketgan. Arkanzas Jazoni ijro etish departamenti ma’lumotni tasdiqlagan.
Qochish vaqtida Hardin huquq-tartibot idoralari formasiga o‘xshash kiyimda bo‘lgan. U qanday qochib ketgani haqida batafsil ma’lumotlar keltirilmagan. Kameradagi tasvirlarga ko‘ra, sobiq politsiyachi qora shim, qora futbolka va qora beysbol kepkasi, shuningdek, o‘q o‘tkazmaydigan nimchada bo‘lgan.
Hardin quti va bir necha yog‘och bo‘lagi ortilgan aravani sudrab chiqib ketgan. Rasmiylar u qamoqxonalarda uchraydigan xavfsiz kirish-chiqish joyi — salli porti orqali chiqib ketganini aytmoqda.
Sobiq politsiyachi Arkanzasda birinchi darajali qotillik uchun 30 yil, ikkita zo‘rlash holati bo‘yicha har biriga 25 yildan qamoq jazosini o‘tayotgan edi. Rasmiylar uning qayerdaligi haqida ma’lumotga ega bo‘lgan har bir kishidan huquq-tartibot idoralariga murojaat qilishni so‘ramoqda.
Izoh (0)