Toshkent viloyati Oqqo‘rg‘on tumanida 32 yoshli ayol o‘zini kanalga tashlab, vafot etdi. Bu haqda “Millar” dasturida xabar berildi.
Maʼlum bo‘lishicha, voqea 15-may kuni sodir bo‘lgan. Ayolning oila aʼzolari bu voqeada uning eri, qaynonasini aybdor sifatida ko‘rmoqda. Ularning taʼkidlashicha, kelinlik oilasi uni hurmat qilmagan, doimo mehnatda yashagan. Mahalla masʼullari esa oilada notinchliklar bo‘lmaganini aytgan.
Marhumaning turmush o‘rtog‘i ham voqea sodir bo‘lgan kun haqida aytib, joniga qasd qilgani aniqmi yoki yo‘q, buni bilmasligini qayd etdi.
“Ayolimni yaxshi ko‘rar edim, 12 yil birga yashadik. O‘sha kuni nimadir bo‘ldi. Men dalaga ketishim kerak edi. Uyda qol, degan edim unga, lekin orqamdan borgan ekan. Esli-hushli ayol edi. Uch farzandim bor. Joniga qasd qilgani yoki boshqa holat bo‘lganmi, biz bilmaymiz”, deydi erkak.
Sirdaryo viloyatining Guliston shahrida yashovchi ayol eri tomonidan ayovsiz kaltaklangani, sochi kalga olingani haqida xabar berilgandi. Sud hukmi bilan aybdor erkak 2 yil 6 oyga ozodlikdan mahrum qilindi.
Endi oilaviy zo‘ravonlikdan jabrlangan shaxsning talabiga ko‘ra sud tomonidan yarashish uchun muhlat tayinlanmaydi.
Amaldagi qonunchilikka ko‘ra oiladagi tazyiq va zo‘ravonlik sabab sudga ariza bilan murojaat qilinganda sud er-xotinni yarashtirish uchun muayyan muhlat beradi. Ushbu berilgan muhlat ichida oilaviy nizo va janjallar qayta sodir etilishi ayollarning o‘z joniga qasd qilishiga, ularga yetkazilgan tan-jarohatlari esa ularning bevaqt o‘limiga sabab bo‘lmoqda.
Qonun bilan amaliyotga joriy etilishi kutilayotgan normalarga asosan sud ishni ko‘rishni keyinga qoldirilmay o‘z vaqtida qaror qabul qiladi, bu nizoli oilalarda muntazam zo‘ravonlik holatlari va og‘ir jinoyatlar sodir etilishining oldini oladi.
Xususan, oilaviy zo‘ravonlikdan jabrlangan shaxsning talabiga ko‘ra sud tomonidan yarashish uchun muhlat tayinlamaslik nazarda tutilmoqda.
Izoh (0)