Тошкент вилояти Оққўрғон туманида 32 ёшли аёл ўзини каналга ташлаб, вафот этди. Бу ҳақда “Миллар” дастурида хабар берилди.
Маълум бўлишича, воқеа 15 май куни содир бўлган. Аёлнинг оила аъзолари бу воқеада унинг эри, қайнонасини айбдор сифатида кўрмоқда. Уларнинг таъкидлашича, келинлик оиласи уни ҳурмат қилмаган, доимо меҳнатда яшаган. Маҳалла масъуллари эса оилада нотинчликлар бўлмаганини айтган.
Марҳуманинг турмуш ўртоғи ҳам воқеа содир бўлган кун ҳақида айтиб, жонига қасд қилгани аниқми ёки йўқ, буни билмаслигини қайд этди.
“Аёлимни яхши кўрар эдим, 12 йил бирга яшадик. Ўша куни нимадир бўлди. Мен далага кетишим керак эди. Уйда қол, деган эдим унга, лекин орқамдан борган экан. Эсли-ҳушли аёл эди. Уч фарзандим бор. Жонига қасд қилгани ёки бошқа ҳолат бўлганми, биз билмаймиз”, дейди эркак.
Сирдарё вилоятининг Гулистон шаҳрида яшовчи аёл эри томонидан аёвсиз калтаклангани, сочи калга олингани ҳақида хабар берилганди. Суд ҳукми билан айбдор эркак 2 йил 6 ойга озодликдан маҳрум қилинди.
Энди оилавий зўравонликдан жабрланган шахснинг талабига кўра суд томонидан ярашиш учун муҳлат тайинланмайди.
Амалдаги қонунчиликка кўра оиладаги тазйиқ ва зўравонлик сабаб судга ариза билан мурожаат қилинганда суд эр-хотинни яраштириш учун муайян муҳлат беради. Ушбу берилган муҳлат ичида оилавий низо ва жанжаллар қайта содир этилиши аёлларнинг ўз жонига қасд қилишига, уларга етказилган тан-жароҳатлари эса уларнинг бевақт ўлимига сабаб бўлмоқда.
Қонун билан амалиётга жорий этилиши кутилаётган нормаларга асосан суд ишни кўришни кейинга қолдирилмай ўз вақтида қарор қабул қилади, бу низоли оилаларда мунтазам зўравонлик ҳолатлари ва оғир жиноятлар содир этилишининг олдини олади.
Хусусан, оилавий зўравонликдан жабрланган шахснинг талабига кўра суд томонидан ярашиш учун муҳлат тайинламаслик назарда тутилмоқда.
Изоҳ (0)