Namangan viloyati IIB Namangan davlat universitetida yigit yaxshi ko‘rgan qizini pichoqlab o‘ldirgani aytilgan xabarlarga munosabat bildirdi.
Ma’lum qilinishicha, 6-may kuni soat 12:00 da To‘raqo‘rg‘on tumanida yashovchi fuqaro Namangan davlat pedagogika instituti binosi oldida oilaviy kelishmovchilik sababli o‘zining turmush o‘rtog‘i bilan janjallashib, uni pichoq bilan urib, o‘limiga sababchi bo‘lgan tan jarohati yetkazgan.
Mazkur holat yuzasidan Namangan shahar prokuraturasi tomonidan Jinoyat kodeksining 97-moddasi (qasddan odam o‘ldirish) bilan jinoyat ishi qo‘zg‘atilib, gumon qilinuvchi protsessual tartibda ushlangan va hozirda tergov harakatlari olib borilmoqda.
Bosh prokuratura matbuot xizmati boshlig‘i Hayot Shamsutdinovning yozishicha, erkak 26 yoshda, ayol esa 23 da bo‘lgan.
Xotini pichoqlaganidan keyin u o‘ziga bir necha marotaba pichoq bilan jarohat yetkazib, o‘z joniga suiqasd qilgan Voqea joyida bo‘lgan fuqarolar tomonidan o‘z joniga suiqasd qilgan erkak shifoxonaga xushsiz holatda olib borilgan.
Aniqlanishicha, ushbu jinoyatni sodir qilgan shaxs turmush o‘rtog‘i bilan 2022-yilning yanvar oyidan buyon o‘zaro oilaviy janjal sababli ajrashib, birga yashamasdan kelgan. Shundan so‘ng, u turmush o‘rtog‘ini o‘zi bilan birga yashashga majbur qilib, asossiz rashq qilib kelgan holda bir necha marotaba janjallashib yurgan.
Pichoqlash bilan yakunlangan oilaviy janjallar
Mart boshlarida Buxoroda er janjal sabab xotinini pichoqlagani, Jizzaxda er rashk sabab avval xotinini keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
Shuningdek, 2022-yilning dekabrida Toshkent viloyatida kelin oilaviy kelishmovchilik oqibatida qaynonasini kamida 20 marotaba pichoqlagan edi. Ushbu holat yuz bergan xonadonda qaynona-kelin chiqisha olmay qolgan. Pichoqlangan qaynonaning aytishicha, 9 oydan beri kelini uning gaplariga kirmay, aytgan ishlarini qilmay kelgan.
Izoh (2)
Ассалому алайкум "daryo.uz" мухбирлари . Бунга ўхшаш янгиликлар ва қотиллик усуллари , қайсидир маънода кимгадир ечимдек кўринаётган холатлар янгиликларда ёритилиш катта хато менинг фикримча. Чунки бу холатлар афсуски кимларгадир тескари маънода "дарс", "наъмуна " бўлиб хизмат қилябди. Буни мен анчадан бери кузатиб борябман. Шунинг учун бундай янгиликларни ёритиб оммага тарқатишни ва олдиндан узр сўрайман( аслида шум хабар лекин фойдаланувчиларни ларзага келтириш ва шиддатли бўлган янгиликлар билан жалб қилиш мақсадида) ёки "хулоса чиқаришсин" деган мақсадда хам қўлланябди. Илтимос бундай янгиликларни ёритмасангиз.
Яна мисол ўзини ёқиб юбориш кимнидир пичоқлаш машинасида ёқиб юбориш, кўп қаватли бинолардан ташлаш, зўравонликлар хаммаси такрорланябди вахоланки олдин бунчалик кўп бўлмасди. Чунки олдин бундай холатлар деярли оммага очиқланмасди. Хозирги
носоғлом жамият қатлами ва ёш оилалар, ўсмир фуқаролар ва айрим "катталар" хам нотўғри хулоса чиқариб ёки ечим деб шундай мудхиш воқеаларни содир этябди .
Бу таклифимни "kun.uz" мухбирларига хам ёзгандим ва уларга катта раҳмат буни инобатга олган холда бундай мавзуларни деярли хавола этишмаябди.
Эринмасдан ўқиганингиз учун сизга хам раҳмат.
Иш фаолиятингизга омад ва муваффақият тилайман.
shunaqa xabarlarni chiqarmanglar iltimos, janjallashib yurgan oilalar kammi oramizda, ularam shu yo'lni tanlashlari mumkin. Yomon ishlarga sababchi bo'lib qolmanglar.
Har kuni chiqaryapsila shunaqa shum xabarlarni, Kimga va nimaga foydasi bor shuni.