Toshkent viloyatida er-xotin va ularning 8 yoshli farzandi is gazidan vafot etdi
Toshkent viloyatining Bo‘stonliq tumani, “Fazogir” MFYda yashovchi fuqaro N.X. 19-dekabr kuni tuman IIB boshlig‘i nomiga ariza bilan murojaat qildi. Bu haqda Bosh prokuratura matbuot xizmati “Daryo”ga xabar berdi.
Foto: “Daryo” / Azizjon Ermatov
U o‘z murojaatida ushbu mahallada yashagan opasi 1989-yilda tug‘ilgan N.S., pochchasi 1981-yilda tug‘ilgan B.S. va jiyani 2016-yilda tug‘ilgan B.M. yashash xonadonida vafot etganini maʼlum qilgan.
Bo‘stonliq tuman sud tibbiy ekspertizasining dastlabki maʼlumotnomasiga ko‘ra, N.S.ning o‘limi is gazidan zaharlanish oqibatida sodir bo‘lgan.
Holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Is gazidan vafot etayotgan fuqarolar
2024-yil mart oyida Farg‘ona viloyati Beshariq tumanida bir oilaning uch a’zosi is gazidan zaharlanib vafot etgandi. Toshkent viloyatining Yangiyo‘l tumanida er-xotin is gazidan halok bo‘ldi. Oktyabr oyida Qoraqalpog‘istonning Nukus shahrida uch kishi is gazidan zaharlanib vafot etdi. Noyabr oyi boshida Andijon viloyatining Jalaquduq tumanida 4 kishi is gazidan zaharlanib vafot etdi. 12-noyabrda Buxoro viloyati Kogon shahrida ayol va uning voyaga yetmagan farzandi is gazidan vafot etdi. 18-noyabr kuni Namangan viloyatining Pop tumanida bir oilaning 3 nafar aʼzosi is gazi qurboni bo‘ldi. 7-dekabr kuni Andijonda uch nafar farzandi bo‘lgan er-xotin ko‘mirdan chiqqan is gazidan vafot etdi. Toshkent viloyatining Piskent tumanida 14-dekabrda to‘yi bo‘lgan kelin-kuyov 15-dekabr kuni is gazidan vafot etdi.
Izoh (0)