Xorazm viloyatida 3 mlrd so‘mlik tabiiy gazdan noqonuniy foydalangan metan zapravka aniqlandi, deb xabar bermoqda “O‘zenergoinspeksiya”.
Unga ko‘ra, holat “O‘zenergoinspeksiya” Xorazm viloyat hududiy boshqarmasi, viloyat prokuratura va IIB hamkorligida o‘tkazilgan nazorat tadbirida aniqlandi. Yangibozor tumanida joylashgan “F.G.” MCHJga qarashli avtomobillarga gaz to‘ldirish kompressor shoxobchasi tabiiy gazdan noqonuniy foydalanib kelayotgani aniqlandi.
Xususan, ushbu shoxobchada gaz hisoblash uskunasining konfiguratsiyasiga tashqi ta’sir ko‘rsatilgani ma’lum bo‘ldi.
Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 3 milliard 48 million so‘mlik zarar yetkazgan.
Mazkur holat yuzasidan huquqni muhofaza qilish organlari tomonidan tergovga qadar tekshiruv ishlari olib borilmoqda.
Gaz o‘g‘irlash holatlari
Izoh (0)