Toshkent viloyatining Qibray hamda Xorazm viloyatining Urganch shahrida 513 mln so‘mlik tabiiy gazdan noqonuniy foydalanildi. Bu haqda “Hududgazta’minot” AJ matbuot xizmati xabar berdi.
Ma’lum qilinishicha, Qibray tumani, “Obod” MFYda istiqomat qiluvchi fuqaro T. X. xonadonida issiqxona tashkil qilib, loyiha-texnik hujjatlari rasmiylashtirmasdan, gaz hisoblagichdan tashqari tabiiy gaz quvuriga o‘zboshimchalik bilan ulangan.
Holat yuzasidan dalolatnoma tuzilib, sarflangan tabiiy gaz hajmi qayta hisob-kitob qilindi va 288,6 mln so‘mlik zarar aniqlandi.
Shuningdek, Urganch shahrida joylashgan “S.” MCHJga tegishli umumiy ovqatlanish maskanida gaz tarmog‘iga elektron gaz hisoblash uskunasi o‘rnatilgan bo‘lsa ham, korxona gaz ta’minoti tashkiloti bilan shartnoma rasmiylashtirmasdan, loyiha-texnik hujjatlarisiz gaz tarmog‘iga noqonuniy ulangan.
Holat yuzasidan dalolatnoma tuzilib, sarflangan tabiiy gaz hajmi qonunchilikda belgilangan tartibda qayta hisob-kitob qilindi. Iste’molchi tomonidan 225,14 mln so‘mlik zarar yetkazilgani ma’lum bo‘ldi.
Holatlar yuzasidan tegishli hujjatlar huquqni muhofaza qiluvchi organlarga topshiriladi.
Energiya resurslaridan noqonuniy foydalanish holatlari ortib bormoqda
O‘zbekistonning turli hududlarida energiya resurslaridan noqonuniy foydalanish holatlari aniqlanmoqda. Ushbu holatlarning aksariyatida miqdor mlrd so‘mdan ortiq. Xususan, Sirdaryoda 683 mln so‘mlik “svet”dan noqonuniy foydalangan shaxs ushlangan edi.
Shuningdek, Sirdaryodagi maishiy xizmat ko‘rsatish shoxobchasida 325 mln so‘mlik “svet”dan noqonuniy foydalanilgani aniqlangandi. Shu bilan birga, Qoraqalpog‘iston Respublikasi va Toshkentda jami 2 mlrd so‘mlik “svet”dan noqonuniy foydalanilgani haqida xabar berilgan edi.
Bundan tashqari, Angrendagi metan zapravkada 1,1 mlrd so‘mlik elektr energiyasidan noqonuniy foydalanilgani aniqlangan.
Gazni o‘g‘irlayotgan issiqxonalar
Izoh (0)