Prezident raisligida o‘tkazilgan korrupsiyaga chek qo‘yishga oid yig‘ilish, davlat ipoteka krediti foizi pasayishi, “Angren” ko‘mir konida avtoag‘dargich yonib ketishi oqibatida haydovchi halok bo‘lishi — “Daryo” nashri bugun, 5-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda soliq idoralari xodimlari 24,5 mlrd so‘mni talon-toroj qilgani aniqlandi
Soliq, bojxona, bank xodimlari, hokim o‘rinbosari va tadbirkorlardan iborat uyushgan jinoiy guruh QQS “vozvrat”idan pullarni o‘margan.
Favqulodda vaziyatlar vaziri Abdulla Qo‘ldoshev nega ishdan olingani maʼlum qilindi
Prezident Shavkat Mirziyoyev bu haqda korrupsiyaga chek qo‘yishga oid yig‘ilishda alohida to‘xtaldi.
Prezident bolani maktab yoki bog‘chaga joylashtirish, OTMga kirishdagi tanish-bilishchiliklar haqida gapirdi
Shavkat Mirziyoyev kredit olishda bo‘lgan muammolarga ham to‘xtalib o‘tdi.
O‘zbekistondagi 117 ta vazirlik va idoradagi korrupsiyaga qarshi ichki nazorat tuzilmalari rahbarlari ishdan olinadi
Bosh vazirga ularning o‘rniga halol, fidoyi va professional kadrlardan qo‘yish topshirildi.
“Qo‘zg‘atilgan jinoyat ishlarini sanaydigan quruq statist bo‘lib qolgan” — prezident Antikorrupsiya agentligi faoliyatini tanqid qildi
“Nega bu ishlar prezident topshiriq berganidan keyin boshlanishi kerak?”, degan Shavkat Mirziyoyev.
Prezident suv, gaz, elektrga ulanish, subsidiya, pensiya kabi masalalarda onlayn javob oladigan tizim bo‘lishi kerakligini aytdi
Mutasaddilarga sun’iy intellekt asosida aholining savollariga qo‘l telefoni orqali sodda javob beradigan onlayn platformani ishga tushirish topshirildi.
“Bundan buyon sektorlar faoliyati bilan prokuror, ichki ishlar va soliq shug‘ullanmaydi” — Shavkat Mirziyoyev
“Sektor ishidan ozod qilish — eski davrga qaytib, aholi va tadbirkorlarga har qadamda to‘siq, korrupsiyaga sharoit yaratish degani emas”, dedi prezident.
“Bosh prokuratura ham, IIV ham uyg‘onishi, yangicha ishlab, bir-birini tiyib turishi kerak” — prezident
IIVga profilaktika inspektorlarini bodikamera bilan ta’minlash, jinoyatlarni hisobga olishni to‘liq raqamlashtirish, Bosh prokuraturaga jinoyatchilikning oldini olish bo‘yicha yanada qattiq ishlash topshirildi.
Davlat xizmatchilari daromadini deklaratsiyalashga oid qonun jamoatchilik muhokamasiga qo‘yiladi
Aslida bu qonun 2021-yildan ijro etila boshlanishi kerak edi. Ammo noma’lum sabablarga ko‘ra, hujjatni qabul qilish jarayoni kechikkan.
“Xizmat transportida yurishni keskin qisqartirib, milliy avtomobilga o‘tish zarur” — Shavkat Mirziyoyev
Prezident davlat xaridlarida qonunga zid holatlarni sun’iy intellekt yordamida aniqlash bo‘yicha tizimni ishga tushirishni topshirdi.
“Javobgarlik ham qattiq bo‘ladi”. Prezident barcha rahbarlarni sudlar faoliyatiga aralashishdan qat’iy ogohlantirdi
Shavkat Mirziyoyev advokatlar faoliyatiga to‘sqinlik qilayotgan omillarni bartaraf etish bo‘yicha qonun loyihasini kiritishni ham topshirdi.
“Bunga taniqli shaxslar bosh-qosh bo‘lyapti” — prezident ortiqcha hashamat va dabdabani tanqid qildi
Shavkat Mirziyoyev ayrim rahbarlar o‘zining kamtarona turmush tarzi bilan barchaga namuna bo‘lish o‘rniga, noqonuniy daromad topishga intilayotganini aytdi.
Davlat ipoteka krediti foizi pasaydi
Endilikda ushbu kredit foiz stavkasi – Markaziy bank asosiy stavkasi + 6 foiz qilib belgilandi.
Shavkat Mirziyoyev SHHT bosh kotibi Nurlan Yermekbayevni qabul qildi
Xitoyning Tyanszin shahrida bo‘lajak SHHT sammitiga tayyorgarlik ko‘rish masalalari muhokama qilindi.
“Angren” ko‘mir konida avtoag‘dargich yonib ketdi. Haydovchi halok bo‘ldi (video)
Avtoag‘dargich tog‘ jinslarini to‘kish vaqtida orqaga sirpanib, ag‘darilib ketgan.
O‘zbekistonda ko‘chmas mulkni ommaviy baholash tizimi joriy etiladi
“Ko‘chmas mulkni ommaviy baholash tizimini joriy etish to‘g‘risida”gi prezident farmoni qabul qilindi.
Energetika vazirligi metan zapravkalardagi cheklovlar qachon olib tashlanishini ma’lum qildi
Vazirlik keltirilgan noqulayliklar uchun iste’molchilardan uzr so‘radi.
Samarqanddagi bog‘chada tarbiyachi bolalarni urib, ularni haqoratladi (video)
Unga nisbatan qanday chora ko‘rilgani ochiqlandi.
Izoh (0)