O‘zbekiston Superligasining 10-turida “Xorazm” o‘z maydonida Muborakning “Mash’al” klubini qabul qilib, yirik hisobda g‘alaba qozondi. Urganchliklar Shahrom Samiyev va Sunnatillo Abdullajonovning gollari mezbonlarga muhim uch ochkoni taqdim etdi.
Uchrashuv boshidanoq “Xorazm” tashabbusni qo‘lga oldi. 7-daqiqada Shahrom Samiyev hisobni ochdi. Oradan 12 daqiqa o‘tib, yana o‘sha Samiyev raqib darvozasiga to‘p kiritib, dublga erishdi – 2:0.
Ikkinchi bo‘limda ham urganchliklar to‘xtamadi. 58-daqiqada bu safar Sunnatilla Abdullajonov navbatdagi gol muallifiga aylandi va jamoasining ustunligini mustahkamladi – 3:0.
Shundan so‘ng “Mash’al” hisobni qisqartirishga harakat qildi, biroq himoya chizig‘ida ishonchli harakat qilgan mezbonlar darvozasini daxlsizligini saqlab qoldi.
Ushbu g‘alabadan so‘ng “Xorazm” ochkolar sonini 11 taga yetkazib, turnir jadvalining 10-pog‘onasiga ko‘tarildi. “Mash’al” esa shuncha ochko bilan 12-o‘rinda bormoqda.
O‘zbekiston Superligasi
10-tur
18-may, yakshanba
“Xorazm” — “Mash’al” 3:0
Gollar: 1:0 — Samiyev (7), 2:0 — Samiyev (12), 3:0 — Abdullajonov (58).
Izoh (0)