Londonning “Arsenal” klubi yarim himoyachisi Deklan Rays Chempionlar Ligasi 1/4 final bosqichidagi “Real Madrid”ga qarshi ilk o‘yinda (3:0) ikki marta jarima zarbasidan gol urdi. Ma’lumotlarga ko‘ra, bu ikki gol “Real” hujumchisi Kilian Mbappe butun faoliyati davomida (516 o‘yinda, 1 gol) jarima zarbasidan urgan gollar sonidan ko‘p.
Mbappe jarima zarbasidan yagona golini La Liganing 29-turidagi “Leganes”ga qarshi bahsda kiritgan. Rays bu natijani madridliklarga qarshi birgina bahsda uddaladi. U birinchi golni 58-daqiqada, ikkinchisini esa 70-daqiqada jarima zarbasidan kiritdi. “Kanonirlar”ning 3-goli Mikel Merino nomiga yozildi.
Joriy mavsumda Deklan Rays “Arsenal” safidagi barcha turnirlar doirasidagi 42 ta o‘yinda maydonga tushib, o‘z hisobiga 5 ta gol va 8 ta golli uzatmani yozdirib qo‘ygan. Uning londonliklar bilan shartnomasi 2028-yilning yozigacha amal qiladi. Transfermarkt Raysning qiymatini 110 million yevroga baholamoqda.
Ma’lumot uchun, “Real Madrid” — “Arsenal” jamoalari o‘rtasidagi javob bahsi 16-apreldan 17-aprelga o‘tar kechasi Madridda bo‘lib o‘tadi. Uchrashuv Toshkent vaqti bilan 00:00 da boshlanadi.
Izoh (0)