Madridning “Real” klubi hujumchisi Kilian Mbappe Ispaniyadagi debyut mavsumini yorqin tarzda yakunlashni maqsad qilgan.
“Qirollik klubi” hali ham La Liga chempionligi uchun kurash olib bormoqda, shuningdek, Chempionlar Ligasi va Ispaniya Kubogida ham g‘oliblikka da’vogarlik qilmoqda.
Men La Liga, Chempionlar Ligasi va umuman “Real” bilan yutish mumkin bo‘lgan barcha turnirlarda g‘alaba qozonishni xohlayman, dedi Mbappe laSexta nashriga bergan intervyusida.
Karlo Anchelotti boshchiligidagi jamoa hozirda La Liga turnir jadvalida 29-turdan keyin ikkinchi o‘rinda bormoqda. Ular hozirda asosiy raqobatchisi “Barselona”dan uch ochko ortda qolmoqda. Chempionlar Ligasi chorak finalida madridliklar “Arsenal” bilan to‘qnash keladi, Ispaniya Kubogi yarim finalida esa “Real Sosedad”ga qarshi javob uchrashuvini o‘tkazadi.
Ma’lumot uchun, joriy mavsum fransiyalik futbolchi “Real” tarkibida 43 ta bahsda maydonga tushib, o‘z hisobiga 33 ta gol va 4 ta assist yozdirib qo‘ygan.
Izoh (0)