“Manchester Siti” yozda “Arsenal”ning fransiyalik himoyachisi Vilyam Salibani sotib olishga harakat qilmoqchi. Bu haqida Defensa Central nashriga tayanib Football24 nashri xabar berdi.

Transferni amalga oshirishni “Siti” bosh murabbiyi Pep Gvardiolaning shaxsan o‘zi istamoqda. Yaqin vaqt ichida “Manchester Siti” “Arsenal”ga Saliba uchun taklif yuborishi kutilmoqda. Ma’lumotlarga ko‘ra, Angliyaning amaldagi chempioni futbolchini qo‘lga kiritish maqsadida istalgan summani to‘lashga tayyor ekanligini bildirgan.
Shuningdek, Madridning “Real” klubi ham Salibaning xizmatlariga qiziqmoqda. “Qirollik klubi” hozirda futbolchining atrofidagi vaziyatni kuzatib bormoqda. Agar imkon paydo bo‘lsa, himoyachini o‘z safiga qo‘shib olishga harakat qiladi.
Ma’lumot uchun, Vilyam Saliba joriy mavsum “Arsenal” safida 39 ta o‘yinda maydonga tushib, o‘z hisobiga 2 ta gol yozdirib qo‘ydi. Transfermarkt portal himoyachining narxini 80 million yevro deb baholamoqda.
Izoh (0)