UEFA Chempionlar Ligasi chorak final doirasidagi birinchi bahslar 8-aprel, seshanba kuni o‘tkazildi. Unda Madridning “Real” jamoasi Londonda “Arsenal”ga qarshi maydonga tushgan bo‘lsa, yana bir uchrashuv “Bavariya” va “Inter” o‘rtasida bo‘lib o‘tdi.
Londonda o‘tgan bahsda maydon egalari 3:0 hisobida g‘alaba qozondi. Uchrashuvning ilk bo‘limida muxlislar gollarga guvoh bo‘lishmadi, ammo ikkinchi taymning 58-daqiqasiga kelib, Deklan Rays Kurtua darvozasiga gol urishni uddaladi. 70-daqiqada Rays o‘zining dublini nishonlagan bo‘lsa, oradan 5 daqiqa o‘tib, Mikel Merino “Arsenal”ning 3-golini “Real” darvozasiga joylab qo‘ydi.
Uchrashuvning qolgan daqiqalari ham qizg‘in kurashlarga boy o‘tdi. Ammo darvozalarga boshqa gol kiritilmadi.
Kunning 2-uchrashuvi Germaniyaning Myunxen shahrida bo‘lib o‘tdi. Unda mahalliy “Bavariya” klubi Milanning “Inter” klubini qabul qilib, 1:2 hisobida mag‘lub bo‘ldi. O‘yindagi hisobni mehmonlar ochdi. 38-daqiqada Lautaro Martines nemis klubi darvozasini ishg‘ol qildi. 85-daqiqda Tomas Myuller tablodagi natijani tenglashtirgan edi, lekin oradan 4 daqiqa o‘tib, “Inter” o‘yindagi ikkinchi golni kiritib, Germaniyadan g‘alaba bilan ortga qaytdi.
YCHL
Chorak final, dastlabki bahslar
8-aprel, seshanba
“Arsenal” — “Real” 3:0
Gollar: 1:0 — Rays (58), 2:0 — Rays (70), 3:0 — Merino (75)
“Arsenal”: Raya – Lyuis-Skelli, Kivor, Saliba, Timber (Uayt, 90+1), Edegor, Parti, Rays (Tirni, 80), Saka (Trossar, 74), Merino, Martinelli.
“Real”: Kurtua – Alaba (F. Garsiya, 79), Ryudiger, Asensio, Valverde, Kamavinga, Modrich (Vaskes, 71), Vinisius Junior, Bellingem, Rodrigo (Dias, 85), Mbappe.
Chetlatish: Kamavinga, 90+4 (“Real”).
“Bavariya” — “Inter” 1:2
Gollar: 0:1 — Martines (38), 1:1 — Myuller (84), 1:2 — Fratezzi (88)
“Bavariya”: Urbig - Stanishich, Dayer, Kim (Buy, 74) - Laymer, Goretska, Kimmix, Gerreyru (Gnabri, 74) - Olise, Keyn, Sane (Myuller, 74).
“Inter”: Zommer - Bastoni, Acherbi, Pavar - Karlos, Mxitaryan (Fratezzi, 74), Chalxanoglu, Barella, Darmian (Bissek, 79) - Tyuram, Martines (Zalevski, 89).
Izoh (0)