Andijon viloyatida Equinox tez yordam mashinasi bilan to‘qnashib, Damas’ga urildi. Viloyat YHXB holat yuzasidan ma’lumot berdi.
Ma’lum qilinishicha, holat 12-may kuni soat 15:10 larda, Andijon shahar Y.Otabekov, Mustaqillik hamda Boburshoh ko‘chalari kesishgan chorrahada sodir bo‘lgan. Mustaqillik ko‘chasidan harakatlanib kelayotgan X.G. boshqaruvida bo‘lgan Equinox’da, Y.Otabekov ko‘chasidan kelayotgan Wolksvagen tez yordam avtomashinasi bilan to‘qnashgan.
Oqibatda rul boshqaruvini yo‘qotib, qatnov qismining chetida turgan Damas avtomashinasiga borib urilib, yo‘l-transport hodisasi sodir etgan. Ushbu YTH oqibatida tan jarohati olgan fuqarolar yo‘q, avtomashinalar texnik shikastlangan.
Mazkur holat yuzasidan hozirda Andijon shahar YHXB mas’ul xodimlari tomonidan surishtiruv ishlari olib borilmoqda.
YTHlar statistikasi
O‘zbekistonda 2025-yilning dastlabki uch oyida YTH sodir etishi oqibatida 891 nafar shaxs sudlandi.
2024-yil davomida Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan 3 321 nafar shaxs sudlangan. Ularning 917 nafariga ozodlikdan mahrum qilish jazosi, 2 404 nafariga esa ozodlikdan mahrum qilish bilan bog‘liq bo‘lmagan jazolar tayinlangan.
2025-yilning I choragi mobaynida ushbu modda bilan 891 nafar shaxs sudlanib, ularning 173 nafariga ozodlikdan mahrum qilish jazosi tayinlangan.
Shuningdek, 718 nafar fuqaroga ozodlikdan mahrum qilish bilan bog‘liq bo‘lmagan jazolar tayinlandi.
Aprel oyidagi YTHlar
- Samarqandda avtobus va yuk mashinasi ishtirokida YTH sodir bo‘ldi.
- Farg‘onadagi avtohalokatda Damas ikkiga bo‘linib ketdi (video).
- Namanganda ijaraga mashina olgan maktab o‘quvchilari avariyaga uchradi.
- Toshkentda L7 urib yuborgan Cobalt ariqqa tushib ketdi (video)
- Toshkentda Hyundai bilan to‘qnashgan motosikl haydovchisi halok bo‘ldi (video)
- Jizzaxda Tracker yuqori tezlikda kelib, do‘konga urildi (video)
Izoh (0)