Jizzax viloyatining Zomin tumani, Suffa platosi hududidan oqib o‘tuvchi Qashqarsuv soyi bo‘yida 12-may kuni soat 19:56 larda bir nafar fuqaro jarlikka tushib ketdi. Bu haqda FVV matbuot xizmati xabar berdi.
Maʼlum qilinishicha, shundan so‘ng fuqaro jarlikdan qaytib chiqa olmayotganligi to‘g‘risida qutqaruvchilarga murojaat qilgan.
Qutqaruvchilar tomonidan fuqaro jarlikdan sog‘-salomat chiqarib olingan.
Toshkent viloyatining Bo‘stonliq tumanida 2 yoshli bola jarlikka tushib ketgani haqida xabar berilgandi.
2024-yilning aprel oyida Chinoz tumanida 15 yoshli qiz ehtiyotsizligi oqibatida chuqurga tushib ketgandi. Shuningdek, Toshkent viloyati, Bo‘stonliq tumani, “Yakka tut” mahallasidagi uylarning birida fuqaro hojatxona uchun qazilgan 5 metrlik chuqurlikka tushib ketgan edi.
Baxtsiz hodisalardan qanday himoyalanish mumkin?
Baxtsiz hodisalardan to‘liq himoyalanish mumkin emas, lekin xavfni kamaytirish va o‘z xavfsizligingizni oshirish juda muhim. Buning uchun quyidagi choralarni ko‘ring:
Birinchi o‘rinda — sug‘urta polisi oling. Bu moliyaviy xavfdan himoyalanishning samarali usulidir. Uy, mashina va sog‘liq uchun sug‘urta orqali baxtsiz hodisalarning iqtisodiy zararini yengillatish mumkin.
Ogoh bo‘ling: Qayerda bo‘lsangiz ham atrofingizdagi vaziyatni kuzating. Baxtsiz hodisalar ko‘pincha befarqlik yoki e’tiborsizlik sababli sodir bo‘ladi.
Bilim va ko‘nikmalarni oshiring.
Birinchi yordam ko‘rsatish bo‘yicha bilimlarni egallang, yong‘inga qarshi kurashish qoidalari va boshqa xavfsizlik bo‘yicha qo‘llanmalarni o‘qing. Uyda xavfsizlikni maksimal ta’minlang — tutun datchiklari va o‘t o‘chirgichlarga hozirlang.
Nosoz elektr simlari va qurilmalardan saqlaning. Atrofni kuzating: piyoda bo‘lsangiz, faqatgina telefonga emas, balki atrofga ham qarab yurishga harakat qiling. Yo‘l harakati qoidalariga rioya qiling.
Izoh (0)