Andijon viloyatining Jalaquduq tumani “Sharxoncheki” MFY hududidan o‘tgan yo‘lda 10-aprel kuni soat 13:30 larda YTH sodir bo‘ldi. Bu haqda viloyat IIB JXX YHXB axborot xizmati xabar berdi.
Maʼlum qilinishicha, 1999-yilda tug‘ilgan haydovchi T.X. Damasʼda oraliq masofa saqlamasdan, o‘zi bilan bir yo‘nalishda harakatlanib ketayotgan traktorning orqa qismiga borib urilgan.
Hodisa oqibatida Damas haydovchisi olgan tan jarohati bilan tuman shifoxonasiga murojaat qilgan.
Mazkur holat yuzasidan Jalaquduq tumani IIB YHXG mas’ul xodimlari tomonidan surishtiruv ishlari olib borilmoqda.
Mart oyida sodir bo‘lgan YTHlar
Jizzaxda 13-mart kuni rulda uxlab qolgan Matiz haydovchisi yuk mashinasiga urilishi oqibatida halok bo‘lgandi. 12-mart kuni Toshkentda daraxtga urilgan Lacetti pachaqlanib ketdi. 7-mart kuni Navoiyda Damas va Cobalt to‘qnashishi oqibatida bir kishi jarohatlandi. 17-mart kuni soat 06:30 larda Toshkent—Bekobod avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama qarshi yo‘nalishga chiqib ketib, Isuzu avtomobili bilan to‘qnashgan.
Shuningdek, Toshkentda Lexus haydovchisi katta tezlikda kelib, yo‘l chetida turgan mashina va qariyani urib yuborgandi.
Izoh (0)