Jizzax viloyati Sharof Rashidov tumani hududidan o‘tuvchi xalqaro avtomobil yo‘lida yuk mashinasi yonib ketdi. Bu haqda viloyat Favqulodda vaziyatlar boshqarmasi matbuot xizmati xabar berdi.
Ma’lum qilinishicha, hodisa 9-may kuni soat 17:20 da M-39 xalqaro avtomobil yo‘lining Jizzax viloyati, Sharof Rashidov tumani “Qang‘li” MFY hududida o‘tuvchi qismining 971-kilometrida harakatlanib ketayotgan yuk mashinasida yong‘in bo‘lgani to‘g‘risida Favqulodda vaziyatlar boshqarmasi navbatchilik qismiga xabar kelib tushgan. Xabarga asosan voqea joyiga yong‘in-qutqaruv ekipajlari soat 17:39 da yetib borib, yong‘in soat 17:47 da to‘liq o‘chirilgan.
Yong‘in natijasida yuk avtomobilining dvigatel va salon qismi yonib zararlangan.
Hozirda yong‘in sababi va moddiy zarar miqdori aniqlanmoqda. Yong‘in oqibatida tan jarohati olganlar yo‘q.
Bundan avval Toshkent shahar Yunusobod tumanida beton to‘siqqa urilgan elektromobil yonib ketgan edi. BYD haydovchisi rul boshqaruvini yo‘qotib, yo‘lni ajratib turuvchi beton to‘siqqa urilishi natijasida yong‘in kelib chiqqan.
To‘qnashuv natijasida haydovchiga shifokorlar tomonidan tibbiy yordam ko‘rsatilgan.
2024-yil 3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi. Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi. Fevral oyining 2-sanasida Toshkentning Yangihayot tumanida mashina yonib ketgan.
Bundan tashqari, Jizzax viloyati Zomin tumanida yuk mashinasi yonib ketgandi.
- Andijonda harakatlanib ketayotgan “ZIL” butunlay yonib ketdi (video)
- Toshkent viloyatida Cobalt bilan to‘qnashgan Nexia-2 yonib ketdi
Izoh (0)